Ministr abarony Rasii Siarhiej Šajhu, vystupajučy na pasiadžeńni kalehii Minabarony, dałažyŭ ab «abstanoŭcy ŭ zonie śpiecyjalnaj vajennaj apieracyi» i zhadaŭ niejki «płan dziejnaści», raźličany da 2025 hoda.
«ZŠA i ich chaŭruśniki praciahvajuć uzbrojvać Uzbrojenyja siły Ukrainy, a kijeŭski režym kidaje nienavučanych sałdat u biessensoŭnyja šturmy, na zaboj. Takija cyničnyja dziejańni Zachadu i ich pasłuhačoŭ u Kijevie tolki padšturchoŭvajuć Ukrainu da samaźniščeńnia.
U hetych umovach praciahvajem naroščvać bajavuju moc Uzbrojenych sił, u tym liku za košt pastavak sučasnaha ŭzbrajeńnia i ŭdaskanaleńnia padrychtoŭki vojskaŭ z ulikam vopytu śpiecyjalnaj vajennaj apieracyi. Paśladoŭnaja realizacyja mierapryjemstvaŭ Płana dziejnaści da 2025 hoda daść mahčymaść dasiahnuć paznačanych metaŭ», — zajaviŭ Šajhu.
Kamientatary interpetujuć hetuju zajavu jak ćviordyja namiery Kramla praciahvać vajnu prynamsi ŭvieś nastupny hod.
Kamientary