Pakul vierasień ščodra adorvaje nas ciopłymi dniami, možna bieź śpieški abrać hałoŭnuju reč siezona — palito. Da vybaru hetaha pradmieta harderobu varta pastavicca adkazna, bo mienavita palito ŭ chałodny siezon budzie vykarystoŭvacca čaściej za astatniaje adzieńnie.
LI'TELLE
Biełaruski brend źjaviŭsia viasnoj 2018-ha. Z taho času marka spraŭna vydaje novyja kalekcyi, ź jakimi možna paznajomicca ŭ kazačnym šoŭrumie, jaki pracuje ŭ samym centry Minska.
Z mnostva prapanavanych tam rečaŭ možna vyłučyć małočny kiejp sa stojkaj na padšeŭcy z šoŭku i siłuetnaje viačerniaje palito z žakardu ź vialikim adkładnym kaŭniarom. Hetyja rečy bazavymi nie nazavieš, ale jany vydatna ŭpišucca ŭ kłasičny harderob u jakaści akcentnych.
LSD
Brend Lifestyle Simple Design vyrašyŭ pahulać z funkcyjanalnaściu i raspracavaŭ trenč z rukavami, jakija adšpilvajucca. Lohkim rucham jon pieratvarajecca ŭ kamizelku, azdoblenuju premijalnaj skuraj.
Amataram bolš zvykłych rečaŭ LSD prapanuje strymanaje čornaje palito z załacistymi huzikami.
L U S H I N A
Marka robić adzieńnie, ščodra ŭpryhožanaje raznastajnymi bliskaŭkami i pajetkami — dyzajniery rasšyli imi navat skurany płašč. U takich rečach zastacca biez uvahi budzie vielmi składana.
N O W W O N
Kali za aknom daždžliva, a sonca chavajecca za ciažkimi chmarami, nastroj mohuć padniać jarkija kolery. Z hetaj zadačaj spravicca ružovaje palito Princess Bubblegum sa štučnaha futra. Madel z vyšytym na kišeni vokam — limitavanaja, tamu imaviernaści sustreć na vulicy svajho «dvajnika» praktyčna niama.
Inšaje palito — WOOL, lidar prodažu brenda. Na praciahu niekalkich hadoŭ jaho lakały ŭdaskanalvalisia. Jak pryznajucca ŭładalniki marki, pakupnicy lubiać hetuju reč za abjomny siłuet i adsutnaść lišnich detalaŭ.
Kardash
U chutkim časie svaje dźviery rasčynić novy šoŭrum marki ŭ Varšavie. Pakul u kramie idzie ramont, ciopłyja rečy možna nabyć na sajcie. Na im možna znajści palito koleru «kemeł» z vyšyŭkaj fieminnaj tematyki i ŭcieplenyja atłasnyja kimano.
Abiedźvie madeli možna nasić jak z kłasičnymi łukami, tak i ŭ kamplektach z prostymi džynsami.
MUA
Staličny brend zrabiŭ staŭku na kłasiku — dvuchbortnaje palito lohka padkreślić elehantnaść i biezdakorny hust. Zroblenaje ŭ šerym kolery, jano budzie spałučacca ź vialikaj kolkaściu adcieńniaŭ i dazvolić stvaryć raznastajnyja aŭtfity.
Spartovyja łuki možna dapoŭnić kreatyŭnym bombieram małočnaha adcieńnia. Dziakujučy detaliroŭcy, jakaja ŭpryhožvaje rukavy, taki možna nasić z kłasičnymi sukienkami i spadnicami.
«Elema»
Bujnoje pradpryjemstva nie adstaje ad łakalnych brendaŭ. U asartymiencie «Elemy» jość i minimalistyčny puchavik, upryhožany pajasnoj sumkaj, i kłasičnaje bežavaje palito.
A jaki vosieński abutak vyrabili biełaruskija vytvorcy, čytajcie ŭ našym inšym materyjale.
