U Čechii zatrymali biełarusa, jaki pieravoziŭ u ciesnaj mašynie 33 mihranty
Zamiest paletaŭ z tavaram u VW Crafter była nievierahodnaja kolkaść mihrantaŭ: 33 čałavieki, uklučajučy žančynu i troch dziaciej. 33-hadovaha biełarusa aryštavali, jamu pahražaje da vaśmi hadoŭ turmy, pišuć novinky.cz.
Aŭtamabil u aŭtorak byŭ spynieny dla pravierki na darozie za 145 kiłamietraŭ ad Prahi. Zamiest tavaraŭ tam znajšli vielizarnuju kolkaść mihrantaŭ.
Usie jany byli zatrymanyja palicyjaj i dastaŭlenyja ŭ departamient palicyi ŭ Ihłavie.
«Pakolki ŭ hetych asob nie było nijakich dakumientaŭ, jakija davali b im prava zastavacca ŭ Čechii, paśla praviadzieńnia nieabchodnych dziejańniaŭ pa identyfikacyi asoby jany atrymali zahady ab vyjeździe, jakija abaviazvajuć ich pakinuć Češskuju Respubliku na praciahu siami dzion», — skazała pradstaŭnik palicyi.
Adzinym čałaviekam, jakoha nie adpuścili, byŭ kiroŭca-biełarus. Jaho dastavili ŭ palicejski ŭčastak, dzie jamu było vystaŭlena abvinavačvańnie ŭ złačynstvie pa arhanizacyi i niezakonnym pierasiačeńni dziaržaŭnaj miažy.
Z-za vialikaj kolkaści ludziej, jakim było ciesna ŭ litaralna niečałaviečych umovach u hruzavym adsieku, jahonyja dziejańni buduć acenienyja stražej. Biełarusu pahražaje da vaśmi hadoŭ źniavoleńnia.
Kamientary