Viestern pra tajamničaha mściŭcu ŭ mascy, kapielušy i płaščy źniaŭ režysior vydatnaha ispanskaha sieryjała «Papiarovy dom».
Aficyjny rolik pakazała kampanija Media Rights i jon doŭžycca ŭsiaho tolki 20 siekund, za jakija hledačy daviedajucca, što «lehienda viarnułasia». I miarkujučy ź intryhoŭnych kadraŭ, viartańnie Zora budzie vielmi padobna da aryhinału 1975 hoda — choć by z-za atmaśfiery i dekaracyj, piša Tochka.by.
Sieryjał buduć krucić na stryminhu Prime Video. A sama premjera «Zora» adbudziecca ŭžo 15 kastryčnika. Tam budzie 10 epizodaŭ.
Režysioram prajekta vystupiŭ Chaŭjer Kintas, jaki pracavaŭ nad adnym z samych papularnych sieryjałaŭ «Papiarovy dom» (Ispanija).
Kali kazać pra kalektyŭ «Zora», u sieryjale syhrajuć ispanskija i mieksikanskija akciory: Mihiel Biernarda, Renata Notni, Emilijana Suryta i mnohija inšyja.
«Sieryjał raskaža aryhinalnuju historyju znakavaha hieroja, jakaja budzie pavažać DNK franšyzy, a taksama pakaža siužetnyja linii z aktualnym, sučasnym źmiestam, mocnymi žanočymi hierainiami i adsyłkami da pop-kultury», — tak apisaŭ film pradstaŭnik kampanii Čarlz Tułuza.
U filmie «Zora» 1975 hoda syhraŭ sam Alen Dełon, ale našamu hledaču zapomniłasia sučaśniejšaja amierykanskaja kinaadaptacyja — «Maska Zora» z Antonia Banderasam, Ketryn Zetaj-Džons i Entani Chopkinsam.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary