Pravaabarončy sajt prapanuje novy sposab kamunikacyi z palitviaźniami i ich blizkimi
Pakidajcie svaje paviedamleńni na staronkach palitviaźniaŭ i tym samym pavialičvajcie šancy ich atrymańnia.
Na sajcie Politzek.me u profili kožnaha palitviaźnia i kožnaj palitźniavolenaj jość «ściana» — miesca, dzie ŭsie mohuć pakinuć svajo paviedamleńnie. Na «ścianie» možna pakinuć pažadańnie, vinšavańnie, paviedamić naviny ci navat napisać ceły list.
Usie paviedamleńni zachoŭvajucca, i ich možna budzie pieradać palitviaźniam navat paśla vyzvaleńnia. A pakul ludzi ŭ źniavoleńni, my pa mahčymaści pieradadzim paviedamleńni ich blizkim. Takim čynam, možna značna pavialičyć svaje šancy na toje, što vaša pasłańnie dojdzie da palitviaźniaŭ (pieradasca praź blizkich).
Jak pakinuć svajo paviedamleńnie?
1. Zajści na staronku palitviaźnia na sajcie Politzek.me
2. Prahartać profil da raździeła «Historyi»
3. Nacisnuć na knopku «Apublikavać»
4. Paśla maderacyi paviedamleńnie budzie apublikavana na sajcie, pieradadziena blizkim i/abo palitviaźniam paśla vyzvaleńnia
Paviedamleńnie možna napisać nie publična. Zrabicie paznaku «nie dla ściany», i tady maderatar pa mahčymaści pieradaść pasłańnie blizkim, ale nie budzie publikavać jaho na ścianie.
Kamientary