Łukašenka raskazaŭ krychu padrabiaznaściaŭ pra «Fond pieršaha»
«Z majho boku — harantyja taho, što hetyja hrošy raskradzienyja nie buduć», — zapeŭnivaje jon.
Alaksandr Łukašenka, adkazvajučy na pytańni žurnalistaŭ padčas rabočaj pajezdki ŭ Bresckuju vobłaść, raspavioŭ padrabiaznaści pra stvorany «Fond pieršaha», piša BiełTA.
Jon źviarnuŭ uvahu, što ideja stvaryć u krainie adziny fond pad jaho patranatam była vykazana im daŭno, a realizavana — adnosna niadaŭna (pra budučy fond, jakim choča zamianić im ža zakrytyja, Łukašenka havaryŭ u žniŭni 2022 hoda). Najpierš, pa jaho słovach, fond stvorany dla metaŭ dabračynnaści — kab sabrać srodki ŭ adnym miescy i dapamahčy tym, chto ŭ hetym sapraŭdy maje patrebu.
«Hałoŭnaje, što my zmožam akumulavać hrošy tych, chto nieabyjakavy. Z majho boku — harantyja taho, što hetyja hrošy raskradzienyja nie buduć», — rastłumačyŭ Alaksandr Łukašenka.
Pakul «Fond pieršaha» nie pačaŭ aktyŭnuju dziejnaść: na jaho rachunku pakul adsutničajuć pastupleńni, taksama jašče niama kiraŭnika.
«Ja, možna skazać, svajo imia tudy addaŭ — «Fond pieršaha», kab my mahli sabrać niejkija hrošy i dapamahčy tym, chto maje patrebu. Heta hałoŭnaja jaho zadača», — dadaŭ Łukašenka.
Jon adznačyŭ, što paśla zakryćcia šerahu fondaŭ i arhanizacyj, jakija «pad vyhladam dabračynnaści i inšaj hramadskaj dziejnaści sprabavali ŭ 2020 hodzie razhajdać abstanoŭku ŭ krainie», akazałasia ciažkim znajści sposab, kab paŭdzielničać u dabračynnaści.
«My prykryli tut. I tyja, chto nam dapamahaŭ i chočuć dapamahčy, — jurydyčna nie mohuć. Tady ja kažu: davajcie pad ehidaj prezidenta stvorym hety fond, adkryty absalutna, kab ludzi, jakija ŭ hety fond unosiać srodki, razumieli, kudy iduć hetyja hrošy», — skazaŭ Łukašenka.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary