U Biełarusi ŭkrainskich dziaciej vučać: «Tut ty pasłužyš vialikaj Rasii»
Narodnaje antykryzisnaje ŭpraŭleńnie pad kiraŭnictvam Paŭła Łatuški praciahvaje šukać dokazy vajennych złačynstvaŭ režymu Łukašenki ŭ dačynieńni da vyviezienych u Biełaruś ukrainskich dziaciej. Hetym razam Łatuška apublikavaŭ videa razmoŭ praŭładnaha aktyvista Alaksieja Tałaja z ukrainskimi dziećmi.
Na videa Tałaj kaža ŭkrainskamu dziciaci z Maryupala:
«Tut ty pasłužyš svajoj radzimie, svajmu narodu, svajmu rodnamu Maryupalu, svajoj Danieckaj Narodnaj Respublicy, svajoj vialikaj Rasii ŭ svajoj vielizarnaj, vialikaj i ščaślivaj Sajuznaj dziaržavie Biełarusi i Rasii, ujaŭlaješ?
Alaksandr Ryhoravič Łukašenka i Uładzimir Uładzimiravič Pucin i my razam, uvieś naš šmatnacyjanalny narod, my budujem sajuznuju Ajčynu ad Bresta da Uładzivastoka».
Pry hetym Tałaj pahražaje ruchacca navat i dalej, bo «niechta ŭžo i ciapier na nas hladzić, biare prykład i choča dałučycca».
U druhim videa Tałaj źviartajecca da ŭkrainskich dziaciej u Biełarusi na fonie ściahoŭ Rasii i «DNR» i kaža: «Našy šmatnacyjanalnyja ruskija ludzi».
Čytajcie taksama:
Łukašysty chočuć pakazać vyviezienych z Ukrainy dziaciej zamiežnym dypłamatam — MZS Ukrainy
Tałaj znoŭ pryvioz u Biełaruś dziaciej z Danbasa
Pasoł u Rasii apraŭdvaŭsia za vyviezienych u Biełaruś ukrainskich dziaciej
Kamientary