Kursant Akademii milicyi «kryšavaŭ» prastytutak
Ministerstvam unutranych spraŭ Biełarusi zaviedziena kryminalnaja sprava ŭ dačynieńni da kursanta 3‑ha kursa Akademii MUS i jaho siabruka.
Pavodle apieratyŭnych źviestak, kursant vyrašyŭ padmanam atrymać ad dźviuch minskich prastytutak hrošy, pahražajučy pryciahnuć ich da adkaznaści za zaniatak staražytnaj z prafiesij. Pryčym, što samaje śmiešnaje,
kursant patrabavaŭ ź ich usiaho 280 tys. rubloŭ.
Dziaŭčaty chutka raspaznali hora‑afierysta i zdali jaho sami ŭ milicyju. U vyniku pradprymalny kursant byŭ zatrymany paśla atrymańnia hrošaj supracoŭnikami hałoŭnaha ŭpraŭleńnia pa baraćbie z arhanizavanaj złačynnaściu i «Ałmaza», a zatym byŭ zatrymany i jaho siabar, jaki taksama ŭdzielničaŭ u spravie.
U dačynieńni zatrymanych zaviedziena kryminalnaja sprava pa prykmietach ździajśnieńnia imi złačynstva, praduhledžanaha č.2 art.209 (machlarstva) i č.5 art.16 i č.1 art.431 (padbuchtorvańnie da davańnia chabaru) KK RB.
Kamientary