Kala hatela «Jeŭropa» samotny pažyły mužčyna pranikniona hraje na pijanina
Svajoj muzykaj jon rasčulvaje minakoŭ da śloz.
Televiadoŭca Hanna Bond vystaviła ŭ instahramie videa, na jakim pažyły minčanin hraje la hatela «Jeŭropa» muzyku Enia Marykone ź filma «Prafiesijanał». Tam pastavili pijanina, na jakim moža hrać luby minak, piša Blizko.by.
— Nie važna, chto ty, kolki tabie hadoŭ, u jakim ty statusie. Važna, što ty ŭmieješ. Nie prachodźcie mima. Hrajcie, cłuchajcie i atrymlivajcie asałodu ad momantu, žyvicie! — piša Hanna i dadaje, što hety minčuk — vidavočna hodny čałaviek i intelihient.
U kamientarach minčuki stali abmiarkoŭvać hieroja videa.
- Paru dzion tamu nie mahła syści…. Tak dušeŭna hraŭ. Pachmutaŭskuju «Piaščotu». Da śloz. Cikava, chto-niebudź viedaje hetaha mužčynu? Mabyć, samotny.
- Baču časta jaho na vystavach i zamiežnych kłubach.
- Ja bačyła hetaha dziadulu ŭ 100 aŭtobusie! Heta supadzieńnie: mašyna była ŭ ramoncie i treba było paru prypynkaŭ prajechać pa pr. Niezaležnaści! Z toj ža torbaj i ŭ tym kaściumie.
- U domie, dzie znachodzicca kvatera maich baćkoŭ, žyŭ taki mužčyna, i jon pracavaŭ na «Biełaruśfilmie».
- Tak na dušy ščymić… I muzyka, i dziadula hety… Ujaviła jaho ŭ junactvie, poŭnaha nadziej.
- Tak, bačna, što intelihient. U kaściumie. Mnie jon zdaŭsia niaščasnym i kinutym. Zrazumieła, što jon mužčyna. I nie stary. Byvaje, što adzinota i bieznadziejnaść razburajuć…
- Jon moj susied. Tak, samotny. Muzyka, a muž kaža, što ŭ maładości jon zdymaŭsia ŭ filmie pra Pitera Pena abo niečym padobnym ad «Biełaruśfilma».
A chtości prapanavaŭ varyjant: moža.iu hatel uziaŭ by jaho na pracu, vydali b kaścium i zarobak… Chtości prosta spytaŭ, u jaki čas jon zvyčajna hraje, bo vielmi chacieŭ padjechać pasłuchać…
-
«Raz — i zachodziš čystym». Minčuki pakazali samarobnuju pryładu, jakaja dapamahaje pazbavicca ad brudu pierad uvachodam u padjezd
-
Biełaruskaja błohierka pakazała, jaki žach moža adbyvacca z vusnami, kali chočaš ich pavialičyć — a potym pamienšyć
-
U minskim muziei pravodziać ramantyčnyja spatkańni. Na ich sapraŭdny ažyjataž — da śniežnia niama miescaŭ
KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy5
Kamientary