«Maski źniatyja». U Izraili adreahavali na kałonku ŭ «Minskaj praŭdzie»
Miedyja Izraila zaŭvažyli publikacyju łukašenkaŭskaha vydańnia «Minskaja praŭda», dzie napad CHAMAS na Izrail nazvali «pieramohaj Maskvy i Minska».
ŚMI Izraila paraŭnoŭvajuć pavodziny biełaruskich demakratyčnych siłaŭ i režymu Łukašenki ŭ kantekście ciapierašniaj vajny pamiž Izrailem i rucham CHAMAS, jaki dniami ździejśniŭ uvarvańnie ŭ Izrail.
«Maski źniatyja. Rasija nie vykazała salidarnaści ź Izrailem u suviazi z žachlivymi teraktami i nie asudziła CHAMAS. Zamiest hetaha rasijskija prapahandysty pišuć u adnym z vydańniaŭ režymu Łukašenki, što dla Minska i Maskvy dziejańni paleścincaŭ źjaŭlajucca pieramohaj, — piša hazieta Israel Hayom («Izrail siońnia»), jakaja adznačyła zacikaŭlenaść Rasii ŭ eskałacyi kanfliktu ŭ rehijonie.
— Imklivaja eskałacyja ŭ Izraili idzie na ruku Rasii, bo jana tym samym prasoŭvaje svaje ŭłasnyja intaresy, jak rabiła heta na biełaruska-polskaj miažy, Małdovie, Danbasie i inšych miescach. U dadzienym ža vypadku meta Maskvy adciahnuć uvahu śvietu ad Ukrainy i źnizić kolkaść pastavak zbroi tudy», — adznačyŭ 9 kastryčnika kiraŭnik zamiežnapalityčnaha adździeła haziety Israel Hayom Devid Beran.
«Choča taho Izrail ci nie, ciapier jon apynuŭsia ŭ adnoj łodcy z Ukrainaj.
I pakul Pucin sprabuje adradzić Saviecki Sajuz, nam treba vyznačyć svajo miesca ŭ hetym śviecie, jaki imkliva mianiajecca», — padahulniŭ Beran.
«Naša Niva» — bastyjon biełaruščyny
PADTRYMAĆHistoryk: Paleścinskija terarysty — heta tyja ž «palityki ź jajcami», jakich my bačym u svaim rehijonie
U čym fienomien CHAMAS? U čym ich ideja i adkul jany ŭzialisia? Raskazvaje arabist
Prajšła infarmacyja, što CHAMAS uziaŭ u pałon biełarusku: jaje zhadała navat Cichanoŭskaja. Ale heta akazałasia niapraŭdaj
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary
Łukašenka padtrymlivaje terarystaŭ.