Unačy Rasija naniesła šeść rakietnych udaraŭ pa Zaparožžy — dva čałavieki zahinuli, niekalki paranienyja
Žychary doma, jaki paciarpieŭ u vyniku ŭdaru, evakujavanyja.
![](http://nnexpictures.fra1.digitaloceanspaces.com/img/w732d4webp1/photos/z_2023_10/dom231018-1kjko.jpg.webp)
Fota: «Suśpilnie Zaparožža»
Nočču 18 kastryčnika rasijanie nanieśli šeść rakietnych udaraŭ pa Zaparožžy, patrapili ŭ šmatpaviarchovy dom, jość zahinułyja i paranienyja.
«Siońnia nočču, z 01:33 pa 01:48, terarystyčnyja vojski nanieśli šeść rakietnych udaraŭ pa terytoryi horada Zaparožža. Typ rakiet vyśviatlajecca. Adzin z udaraŭ pryjšoŭsia na šmatpaviarchovy dom u centralnaj častcy horada», — napisaŭ sakratar Zaparožskaj haradskoj rady Anatol Kurcieŭ.
U vyniku terarystyčnaj ataki dva čałavieki zahinuli, niekalki paranienyja.
Žychary doma evakujavanyja, im budzie prapanavana časovaje žyllo.
Kamientary