Pra toje, što siamja Ihara Słučaka i Aliny Nahornaj evakujavanaja, paviedamiŭ Andrej Stryžak u sacsietkach. Alina i Ihar viadomyja jak abaroncy moŭnych pravoŭ biełarusaŭ.
«Heta była asablivaja evakuacyja sa składanymi i dramatyčnymi rašeńniami. Składanaja jašče i tym, nakolki šmat Alina i Ihar zmahli zrabić, znachodziačysia ŭ Biełarusi dahetul(!). Ich raspovied pra žyćcio apošnich troch hod — heta dramatyčny pryhodnicki tryler, i hety raspovied varty asobnaj knihi.
Alina i Ihar pratrymalisia maksimalna doŭha, praciahvajučy zajmacca pravaabarončaj dziejnaściu ŭnutry krainy, ale koła vakoł ich zvuziłasia nastolki i sprava stała takoj niebiaśpiečnaj, što jany byli vymušanyja źjechać», — napisaŭ Stryžak.
Siamja ciapier znachodzicca ŭ Vilni.
Jak piša Andrej Stryžak, im patrebnaja dapamoha. Naprykład, na paru hadzin u dzień pa dohladzie dziaciej, kab u darosłych była mahčymaść naładzić pobyt i pačać pracavać.
Jašče patrebnyja niekatoryja rečy: zimovyja dziciačyja kambieziki (1 hod i 3 hady — pamiery 80 i 98), aśviatlalnyja prybory (taršery, nastolnyja łampy), dziciačaja vannačka, dziciačyja kresiełki (2-4) i stolik, nievialiki dziciačy vazok.
Kali vy možacie dapamahčy, pišycie ŭ asabistyja Alina Nahornaja.
Padtrymać siamju možna pa spasyłcy.
Biełaruskaja mova źjaviłasia na ŭpakoŭcy jašče adnaho vytvorcy dziciačaha charčavańnia
«Usia naša pradukcyja pradajecca i biez vykarystańnia na joj biełaruskaj movy». Haradziejski cukrovy kambinat bolš nie vypuskaje cukru «Litvinski»
Zładziei raściahvajuć usio, što bačać, z doma Słučaka i Nahornaj
Alina Nahornaja i Ihar Słučak stali baćkami ŭ druhi raz
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?12
Kamientary