Polšča praviadzie vajskovyja vučeńni kala miežaŭ ź Biełaruśsiu i Rasijaj
Taktyčnaja častka polskich vajskovych vučeńniaŭ «Zubr-23» adbudziecca 26—29 kastryčnika, piša Onet.pl. Jany buduć pravodzicca na terytoryi Padlaškaha, Mazavieckaha, Lublinskaha i Varminska-Mazurskaha vajavodstvaŭ.
![](http://nnexpictures.fra1.digitaloceanspaces.com/img/w732d4webp1/photos/z_2023_10/gettyimages-1251811584-tulo4.jpg.webp)
Zdymak ilustracyjny. Fota: Artur Widak/NurPhoto via Getty Images
Jak adznačaje partał Onet, pablizu ad uschodniaj polskaj miažy čakajecca intensiŭnaje pieramiaščeńnie vojskaŭ, što vykliča ciažkaści dla kiroŭcaŭ cyvilnych aŭtamabilaŭ.
«Manieŭry zaklikanyja nie tolki pavysić uzrovień biaśpieki ŭzdoŭž uschodniaj miažy Polščy, ale i padrychtavać vojski da dziejańniaŭ u ekstremalnych umovach», — rastłumačyli vajskoŭcy.
Palakaŭ zaklikajuć trymacca na biaśpiečnaj adlehłaści ad vajskovych kałon, nie fatahrafavać žaŭnieraŭ i techniku.
Kamientary