«Naftahaz Ukrainy» moža spynić tranzit rasijskaha hazu ŭ kancy 2024 hoda
«Naftahaz Ukrainy» nie budzie praciahvać tranzit rasijskaha hazu paśla zakančeńnia terminu dziejańnia kantrakta ŭ 2024 hodzie. Pra heta paviedamiŭ staršynia praŭleńnia karparacyi «Naftahaz Ukrainy» Alaksiej Čarnyšoŭ u intervju «Radyjo Svaboda».
![](http://nnexpictures.fra1.digitaloceanspaces.com/img/w732d4webp1/photos/z_2023_10/-n4rvk.jpg.webp)
Kiraŭnik «Naftahaza» adznačyŭ, što Ukraina hatovaja ŭžo admovicca ad tranzitu hazu. Adnak praciahvaje tranzit vyklučna dla padtrymki jeŭrapiejskich kalehaŭ.
«Nie isnuje inšych pryčyn, ale my nie možam pazbavić siońnia niekatoryja krainy ES, jakija, darečy, zjaŭlajucca našymi partniorami, mahčymaści atrymlivać błakitnaje paliva i rychtavacca da zimy», — skazaŭ Čarnyšoŭ.
Jon dadaŭ, što ES płanuje całkam admovicca ad spažyvańnia rasijskaha hazu da 2027 hoda, tamu nie nastojvaje na praciahu ŭkrainskaha tranzitu.
Kamientary