«Užo ni dla koha nie sakret, što sproby destabilizavać situacyju ŭ Dahiestanie i stvaryć pratesny fon, u tym liku z vykarystańniem zabaronienych pryjomaŭ, źviazanych z raździmańniem mižnacyjanalnaj varožaści, mižkanfiesijnych prablem, pravodziacca našymi vorahami. Vorahami, praciŭnikami našaj krainy», — zajaviŭ Siarhiej Mielikaŭ, razmaŭlajučy z žurnalistami.
Jon dadaŭ: «Siońnia my atrymali absalutna dakładnuju adkrytuju infarmacyju ab tym, što kanał «Utro Dahiestan» administrujecca, rehulujecca z terytoryi Ukrainy zdradnikami, banderaŭcami, tymi, chto nienavidzić śviatyja dla nas, tradycyjnyja rečy, jakimi my žyviom na praciahu mnohich hadoŭ».
U telehram-kanale «Utro Dahiestan», jaki zapuściŭ eks-deputat Dziarždumy Ilja Panamaroŭ, 28 i 29 kastryčnika pačali źjaŭlacca paviedamleńni ab «uciekačach ź Izraila», jakija nibyta prybyvajuć na Paŭnočny Kaŭkaz.
Na fonie raspačatych antysiemickich biesparadkaŭ Panamaroŭ zajaviŭ, što ŭžo bolš za hod nie maje dačynieńnia da kanała.
Aŭtary kanała «Utro Dahiestan» u noč na 30 kastryčnika taksama zajavili, što Ilja Panamaroŭ nie źviazany z kanałam.
