U rasijskaj Iaškar-Ale paśla akcyi pamiaci achviar represij adnaho z udzielnikaŭ zatrymali za płakat na biełaruskaj movie
U Iaškar-Ale (Maryj Eł) siońnia adbyłosia ŭskładańnie kvietak da miemaryjała achviaram palityčnych represij. Da pomnika pryjšli svajaki represavanych savieckimi ŭładami. Ułady admovili inicyjataram u praviadzieńni mitynhu.
![](http://nnexpictures.fra1.digitaloceanspaces.com/img/w732d4webp1/photos/z_2023_10/plakat231030-ne2l9.jpg.webp)
Paśla ŭskładańnia kvietak asnoŭnaja častka ŭdzielnikaŭ akcyi adpraviłasia ŭ muziej historyi horada (jon znachodzicca za niekalki dziasiatkaŭ mietraŭ ad miemaryjała), a niekalki čałaviek zastalisia pryvieści ŭ paradak miesca ŭskładańnia kvietak.
U hety momant supracoŭniki palicyi padyšli da adnaho ź ich — Kiryła Vajtoviča. Maładoha čałavieka zatrymali za nievialiki płakat na biełaruskaj movie: «Noč paetaŭ. 29-30 kastryčnika. Viečnaja pamiać achviaram balšavickaha teroru. Žyvie viečna».
Płakat jon raźmiaściŭ u adnoj ź niš miemaryjała — tam, dzie znachodziacca knihi ab represijach i partrety achviar stalinskaha teroru, piša «Viasna».
Kamientary