Łukašenka: Biełaruś pastaviła pierad Rasijaj pytańnie ab kampiensacyjach u suviazi sa ssoŭvańniem terminaŭ uvodu ŭ ekspłuatacyju BiełAES
Łukašenka siońnia zasłuchaŭ dakład ministra enierhietyki Viktara Karankieviča ab zaviaršeńni budaŭnictva BiełAES i pavyšeńni dastupnaści elektraenierhii dla aciapleńnia žyłych damoŭ.
«Tema siońniašniaj našaj razmovy, jak viadoma, atamnaja elektrastancyja. U pryncypie, my skončyli budaŭničyja i puskanaładačnyja raboty. Stancyja pracuje na poŭnuju mahutnaść, pravodziacca płanavyja prafiłaktyčnyja i inšyja mierapryjemstvy, što paznačany ŭ rehłamiencie. Biaśpieka našaj stancyi — heta pytańnie numar adzin. Tut niama čaho paŭtarać i havaryć», — skazaŭ jon.
Alaksandr Łukašenka padkreśliŭ, što navat niejkija niuansy treba davodzić da kanca i biełaruski bok u hetym płanie zaŭsiody vystaŭlaŭ strohija patrabavańni.
«Rasatam» pavinien heta vydatna razumieć. My — čarnobylskaja respublika. U nas navat najmienšyja pasłableńni pry budaŭnictvie AES niedazvalalnyja. Ludzi nam nikoli hetaha nie darujuć. Tamu adsiul takija strohija patrabavańni z našaha boku pa roznaha rodu niuansach», — adznačyŭ jon.
Jon taksama zajaviŭ, što Biełaruś pastaviła pytańnie ab kampiensacyjach u suviazi sa źmiaščeńniem terminaŭ uvodu ŭ ekspłuatacyju BiełAES.
«U nas trochi zrušylisia terminy ŭvodu ŭ ekspłuatacyju atamnaj stancyi praz rasijski bok. Naturalna, pa damovie my pastavili pierad imi pytańnie ab kampiensacyjach. Heta chavać nie treba. Ničoha tam nadzvyčajnaha nie było. Ale takija pytańni byli pastaŭlenyja ŭ suviazi z tym, što parušanyja terminy ŭvodu stancyi, i adkaznaść za heta niasie rasijski bok. Jany nam prapanavali varyjanty i pa canie na śviežaje jadziernaje paliva — jak dla rasijanaŭ, jak dla svaich stancyj. I termin harantyjny na piać hadoŭ (na asnoŭnyja vuzły)», — adznačyŭ Łukašenka.
«Heta vy mnie siońnia raskažycie, ci zadavalniaje heta biełaruski bok (my, viadoma, zališnie nie pavinny napružvać rasijanaŭ: elektryčnaści ŭ nas chapała i chapaje, ale damova jość damova) i ci dastatkovyja tyja sastupki, jakija zrabili rasijanie, «Rasatam», dla biełaruskaha boku», — dadaŭ jon.
Biełaruskuju AES pabudavali za niekalki kiłamietraŭ ad Astraŭca i za 40 km ad Vilni. Raboty pa jaje ŭźviadzieńni pačalisia ŭ 2011 hodzie. Rasija ŭ 2011 hodzie vydała Biełarusi kredyt $10 młrd, jaki pakryvaje 90% vydatkaŭ na budaŭnictva. Pieršapačatkova było zajaŭlena, što pieršy enierhabłok uviaduć u stroj u kancy 2019-ha. Ale ŭ vyniku zapuścili ŭ listapadzie 2020 hoda.
Pieršapačatkova pusk druhoha błoka zrušyŭsia na 2021 hod, ale i na siońnia jon nie ŭviedzieny.
-
Stali viadomyja padrabiaznaści trahičnaj śmierci ministra Aŭramienki. Tut taksama śled KDB
-
U davieranaj asoby Łukašenki zabrali biznes pad Hrodnam: «Na paroh vyjšaŭ niejki mužyk i zajaviŭ, što ŭpieršyniu mianie bačyć»
-
Pamiatajecie, jak pa Mahilovie hulaŭ tabun koniej? Ciapier u tym samym dvary pasiecca statak karoŭ VIDEA
Kamientary