KPP Rafach na miažy Hazy i Jehipta adkryŭsia dla evakuacyi zamiežnikaŭ i paranienych. Ź siektara Haza vyjechali dziasiatki čałaviek z zamiežnymi pašpartami.
![](http://nnexpictures.fra1.digitaloceanspaces.com/img/w732d4webp1/photos/z_2023_11/-c5lwx.jpg.webp)
Jehipiet upieršyniu adkryŭ KPP paśla napadu bajevikoŭ CHAMAS na Izrail. Adkryćcio KPP adbyłosia pry sadziejničańni Katara, jaki zaklučyŭ pahadnieńnie pamiž Izrailem, Jehiptam i Chamasam, piša Reuters.
Pahadnieńnie dazvolić uładalnikam zamiežnych pašpartoŭ i niekatorym ciažkaparanienym ludziam pakinuć Hazu. Pavodle paviedamleńniaŭ ŚMI, siektar Haza pakinie prykładna 90 paranienych paleścincaŭ i kala 450 zamiežnikaŭ i asob z padvojnym hramadzianstvam.
Jak doŭha punkt budzie adkrytym, nieviadoma.
KPP Rafach — adziny pamiežny pierachod ź siektara Haza, jaki nie kantralujecca Izrailem. Jašče dva KPP u siektary Haza — Erez i Kierem Šałom — vychodziać na terytoryju Izraila i nie pracujuć. Praz Rafach, u liku inšaha, u siektar Haza pastupaje humanitarnaja dapamoha, piša «Mieduza».
Kamientary