Luboŭ Šaškova naradziłasia ŭ 1951 hodzie na Homielščynie, u Vasileŭcy byłoha Paryckaha rajona, ale z maładości źviazała los z Kazachstanam, piša «Źviazda».
U 1975 hodzie jana stała zahadčycaj adździeła haziety «Tiemirtausskij rabočij». Pisała artykuły, paetyčnyja tvory. Z 1987 pa 1991 hady — zahadčyca pierakładnoj redakcyi ałmacinskaha knižnaha vydaviectva «Žazušy».
Luboŭ Kanstancinaŭna vydała šmat paetyčnych i publicystyčnych knih. Pieršy zbornik — «Pora podsołnuchov» — vyjšaŭ u vydaviectvie «Žazušy» u 1984 hodzie. Mnohija tvory piśmieńnicy pierakładzieny na biełaruskuju movu. Ich pierakładaŭ łaŭreat Dziaržaŭnaj premii Mikoła Miatlicki.
Niadaŭna Lubovi Šaškovaj było nadadziena hanarovaje zvańnie «Narodny piśmieńnik Kazachstana».
Paetka nie adnojčy ŭ apošnija hady naviedvała Biełaruś, vystupała ŭ roznych aŭdytoryjach, čytała svaje vieršy i paemy. U Kazachstanie Luboŭ Šaškova dobra viadomaja jak aktyŭnaja ŭdzielnica biełaruskaj hramady.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary