Mabilnaja koŭzanka la Pałaca sportu ŭ Minsku moža zapracavać užo 17 listapada, paviedamili Minsk-Navinam u administracyi abjekta. Tam udakładnili, što mienavita na hety dzień zapłanavana adkryćcio koŭzanki, adnak faktyčny start pracy budzie zaležać ad nadvorja.
Sieansy na koŭzancy, jak i ŭ papiarednija hady, zastanucca 45-chvilinnymi. Pačynacca jany buduć a 10:00, a zaviaršacca ŭ 23:45. Paśla kožnaha sieansu ladovaje pakryćcio buduć abnaŭlać.
Ceny zastanucca na raniejšym uzroŭni. Pa budniach zvyčajny ŭvachodny bilet budzie kaštavać 6 rubloŭ, pa vychadnych i śviatach — 7 rubloŭ.
Na apošni sieans u budni praduhledžana źnižka: pakatacca z 23:00 da 23:45 možna budzie ŭsiaho za 3 rubli.
Naviedvańnie koŭzanki dzieciam da 14 hadoŭ abydziecca ŭ 4 rubli, takaja ž cana zapłanavana dla piensijanieraŭ u budni z 10:00 da 15:45 i studentaŭ z 21:00 da 21:45.
Na mabilnuju koŭzanku budzie vyhadna pryjści ŭsioj siamjoj z 10:00 da 16:45 u budni i z 10:00 da 10: 45 u vychadnyja i śviaty. U hety čas budzie dziejničać siamiejny bilet, pa jakim sieans katańnia dla dziciaci da 14 hadoŭ abydziecca ŭ 3 rubli, a dla darosłaha — u 5 rubli.
Tut taksama jość pasłuhi prakatu i zavostryvańnia kańkoŭ, arendy šlemaŭ. Tam ža možna zapisacca na indyvidualnyja abo hrupavyja zaniatki z trenieram, nabyć abaniemient na 12 katańniaŭ.
Kamientary