Čechija stała pieršaj krainaj, jakaja zamaroziła dziaržaŭnyja aktyvy RF na svajoj terytoryi
Urad Čechii zamaroziŭ rasiejskuju dziaržaŭnuju ŭłasnaść, jakaja znachodzicca na terytoryi krainy. Takim čynam ułady pašyryli śpis sankcyj, uviedzienych suprać Rasiei praz uvarvańnie va Ukrainu.
Na můj navrh dnes vláda schválila zmražení ruského státního majetku v Česku. Komerční aktivity, ze kterých Rusko financuje vraždění Ukrajinců, tady končí.
— Jan Lipavský (@JanLipavsky) November 15, 2023
«Kamiercyjnaja dziejnaść hetaha pradpryjemstva z hetaha času zjaŭlajecca nielehalnaj — taksama jak parušeńnie i abychod sankcyj. Usie jaje aktyvy ŭ Češskaj Respublicy zamarožanyja», — skazaŭ aficyjny pradstaŭnik MZS krainy Jan Lipaŭski.
Heta aznačaje, što prodaž i zdača ŭ arendu češskich abjektaŭ, jakija naležać Rasiei, zabaronieny.
«Na hetym kamiercyjnaja dziejnaść, za košt jakoj Rasieja finansuje zabojstvy ŭkraincaŭ, zakančvajecca» — napisaŭ Lipaŭski ŭ sacyjalnaj sietcy Ch (były tviter).
Rasieja vałodaje abjektami nieruchomaści hałoŭnym čynam u Prazie i Karłavych Varach. Pry hetym pastanova ab zamarozcy aktyvaŭ nie zakranie budynkaŭ ambasady Rasiei, jakija vykarystoŭvajucca dla dypłamatyčnaj dziejnaści.
Rašeńnie Čechii vitaŭ ministr zamiežnych spraŭ Ukrainy Dźmitryj Kuleba. Pavodle jaho słoŭ, «krainy, jakija hetaha jašče nie zrabili, pavinny ŭziać [čechaŭ] za prykład».
«Rasiejskija hrošy treba vykarystoŭvać dla adnaŭleńnia Ukrainy, a nie dla zabojstva i razbureńniaŭ», — napisaŭ kiraŭnik ukrainskaha MZS.
Ciapier čytajuć
Łukašenka apraŭdvajecca za ideju z pryjezdam 150 tysiač pakistancaŭ — heta, kab «zachavać naš narod»28
Kamientary