Paśla zvalnieńnia hiendyrektara OpenAI pahražaje raspad. Sema Altmana prosiać viarnucca nazad
Na dniach źjaviłasia navina, što hiendyrektar kampanii OpenAI Sem Altman, adzin sa stvaralnikaŭ suśvietna viadomaj niejrasietki ChatGPT, byŭ «niečakana» zvolnieny z pasady. Jak vyśvietliła vydańnie The Verge, hetaje rašeńnie adrazu ž vyklikała surjozny kryzis u OpenAI, jaki moža całkam źniščyć kampaniju.
Rada dyrektaraŭ OpenAI, jakaja ŭ piatnicu biez kankretnaha tłumačeńnia pryčyn zvolniła kiraŭnika kampanii Sema Altmana, zaraz prosić biznesmena viarnucca nazad na pasadu hiendyrektara. Ab hetym daviedałasia vydańnie The Verge, spasłaŭšysia na krynicy, blizka znajomyja ź situacyjaj.
Pavodle vydańnia, rada dyrektaraŭ pačała prasić Altmana viarnucca nazad užo na nastupny dzień paśla jahonaha zvalnieńnia. Sprava ŭ tym, što sychod biznesmena vyklikaŭ «vielmi nieadnaznačnuju» reakcyju siarod fundataraŭ i zvyčajnych supracoŭnikaŭ kampanii.
Pa infarmacyi krynic, ni tym ni inšym nie spadabałasia hetaje rašeńnie i jaho raptoŭnaść nastolki mocna ŭražvaje, što jany pryhrazili spynić svajo finansavańnie i pracu ŭ ramkach OpenAI i syści ŭśled za Altmanam, stvaryŭšy ź im novuju kampaniju pa raspracoŭcy štučnaha intelektu.
«Pakul što Altman nie śpiašajecca viartacca nazad, bo chacieŭ by značnych źmien u struktury i sposabach kiravańnia kampanijaj. Rada dyrektaraŭ vykazała hatoŭnaść syści ŭ adstaŭku, tolki kab viarnuć Altmana i stabilizavać situacyju z kryzisam.
Razam z hetym mnohija supracoŭniki OpenAI zajavili, što syduć z pracy ŭśled za Altmanam i z radaściu piarojduć u jaho novuju kampaniju, kali toj vyrašyć jaje stvaryć», — paviedamlaje The Verge sa spasyłkaj na krynicy.
Vydańnie taksama vyśvietliła, što za rašeńniem zvolnić Sema Altmana moža stajać uradženiec Rasii i adzin z čalcoŭ rady dyrektaraŭ OpenAI Illa Suckievier, jaki adnym ź pieršych paviedamiŭ ab zvalnieńni biznesmena. Krynicy The Verge adznačajuć, što heta mahło stać prajavaj baraćby za ŭładu nad kampanijaj.
U toj ža čas ahienctva Bloomberg napisała, što kiraŭnictva karparacyi Microsoft, jakaja źjaŭlajecca asnoŭnym fundataram i partnioram OpenAI, rezka raskrytykavała rašeńnie rady dyrektaraŭ kampanii ab zvalnieńni Altmana i zaraz akazvaje cisk na dyrektaraŭ OpenAI, kab tyja adnavili Altmana na jaho pasadzie.
Kampanija OpenAI była zasnavanaja ŭ 2015 hodzie. U liku zasnavalnikaŭ, akramia Sema Altmana, byŭ taksama i miljarder Iłan Mask, adnak u 2018-m jon pakinuŭ kampaniju, kab nadać bolš uvahi raźvićciu brenda elektramabilaŭ Tesla (paźniej, letam 2023 hoda Mask znoŭ viarnuŭsia ŭ halinu štučnaha intelektu, stvaryŭšy novuju kampaniju xAI).
20 «analitykam Cichanoŭskaj» prysudzili hihanckija zavočnyja terminy. Bolš za ŭsich — Dabravolskamu8
20 «analitykam Cichanoŭskaj» prysudzili hihanckija zavočnyja terminy. Bolš za ŭsich — Dabravolskamu
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka29
Rasijski vajskoviec płanavaŭ uzarvać budaŭničuju kramu ŭ Paryžy. Ale padarvaŭsia na ŭłasnaj vybuchoŭcy1
«Samy cymus»: historyk napisaŭ knihu pra toje, jak abaranki skaryli Amieryku, a draniki stali i jaŭrejskaj stravaj 12
Kamientary