Praciahvajecca kaladny zbor dla dziaciej, čyje baćki ŭ turmie z palityčnych matyvaŭ. Zastałosia zusim krychu
Na padarunak dla kožnaha dziciaci buduć vyłučanyja €100.
U šerahu biełaruskich dzietak chtości z baćkoŭ (a časam i abodva) u hety čas znachodzicca za kratami z palityčnych matyvaŭ. Mnohija siemji vymušanyja buduć sustrakać navahodnija śviaty ŭ čužoj krainie, u rastańni, nie majučy mahčymaści zrabić tradycyjnyja padarunki rodnym.
Dla Biełaruskaha fonda salidarnaści «Bajsoł» važna, kab u hetyja časy u siemjach palitźniavolenych śviata adbyłosia, niahledziačy ni na što.
Razam z vami my možam zrabić tak, kab palitźniavolenyja baćki padaryli svaim dzieciam krychu radaści ŭ hetyja dni. Dziakujučy cudam, jakija my razam možam zrabić, jak hieroj viadomaj pieśni.
Fond «Bajsoł» štohod ładzić akcyi, z dapamohaj jakich dzieci palityčnych źniavolenych majuć mahčymaść atrymać dapamohu ad nieabyjakavych ludziej, pakul ich baćki nie mohuć być pobač. Vielmi natchniaje, što tak šmat biełarusaŭ, jakim nie ŭsio adno. Bo tolki dapamahajučy adno adnamu, padtrymlivajučy tych, kamu składana, my dorym dzieciam budučyniu, jakuju žadajem dla samich siabie.
Jak atrymać dapamohu?
Kali vy rodny palitźniavolenaha, albo vyzvaleny palitźniavoleny, dla atrymańnia dapamohi zapoŭnicie hetuju zajaŭku da 9 śniežnia 2023 uklučna.
Stanam na ranicu sierady sabrana 16 213 jeŭra z 20 000.
Padtrymać Kaladny zbor dla dziaciej palitviaźniaŭ
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie6
Kamientary