«Zanadta šykoŭna žyć niamožna». U Maskvie na Krasnaj płoščy zatrymali žančynu, jakaja zdymała videa z 14 kiłahramami čyrvonaj ikry
Palicyjanty zatrymali na Krasnaj płoščy Hulinu Navuman, jakaja pryjšła tudy 20 listapada źniać videa dla instahrama. Ale dama ŭ futry z ahramieznym buterbrodam čyrvonaj ikry na fonie Kramla nie spadabałasia palicyi.
![](http://nashaniva.com/img/w732d4webp1/photos/z_2023_11/22-ez0og.png.webp)
«14 kh najsmačniejšaj ikry, pryviezienaj z Chabaraŭska, natchnili mianie na ryłs. Ja jem vielizarny buterbrod z čyrvonaj ikroj na vulicy. Pamočnica prapanavała pajechać da Kramla i zjeści buterbrod na fonie Kramla. Voś što vyśvietliłasia: zdymać pobač z Kramlom tak šmat ikry niamožna, u krainie situacyja šykavać zabaraniaje», — napisała Navuman u svaim telehram-kanale.
U razmovie z MSK1.RU jana skazała, što jaje i jaje spadarožnicu, jakaja zdymała videa, try hadziny pratrymali ŭ adździaleńni palicyi, vyśviatlajučy matyvy ich dziejańniaŭ.
Pa słovach Huliny, pravaachoŭnikaŭ źbiantežyŭ pamier buterbroda i kolkaść ikry ŭ kantejniery: jaje tam było 14 kiłahramaŭ. Pytańni taksama vyklikaŭ pasył videarolika.
— Z adnaho boku, uschvalajuć Rasiju, što idzie takaja situacyja ciapier, što ludzi dobra žyvuć, a z druhoha boku, byccam i niamožna pakazvać, što dobra žyvieš, tamu niejak tak, — skazała MSK1.RU Hulina.
«Kali kułuarna, to zanadta šykoŭna žyć niamožna. <…> Heta značyć, z maleńkim buterbrodzikam prychodźcie, nie pytańnie», — pieradaje jaje słovy vydańnie.
Žančyn z kramloŭskaha adździaleńnia palicyi, dzie, pavodle Huliny, stanovišča «nie samaje pryjemnaje», adpuścili biez pratakołaŭ.
Cikava, što instahram, dzie Hulina zapościła videa pierad zatrymańniem, zabaronieny ŭ Rasii, ale nijakich nastupstvaŭ heta nie mieła.
Kamientary