Kvatery na vulicy Karła Marksa ŭ Minsku. Ad savieckaści da ramontu ŭ sučasnym styli
Pra vulicu Karła Marksa možna kazać jak pra adno z samych atmaśfiernych i znakavych miescaŭ Minska. U XIX stahodździ jana nazyvałasia Padhornaj i była pryharadam stalicy. Ale z časam nabyła status centra horada. Niaźmiennaj zastałasia tolki daŭžynia vulicy — 1,3 km — z muziejami, pomnikami architektury i adukacyjnymi ŭstanovami.
«Kufar» pahladzieŭ cikavyja prapanovy.
Karła Marksa, 36
U znakamitym «Domie piśmieńnikaŭ», dzie ŭ svoj čas žyli Ivan Šamiakin, Ivan Mielež, Maksim Tank, Uładzimir Karatkievič i inšyja kłasiki biełaruskaj litaratury, pradajecca adnapakajovaja kvatera z akuratnym ramontam. U pary sotniaŭ krokaŭ — Kastryčnickaja płošča. Pobač z domam znachodziacca Teatr Janki Kupały i skvier, na jakija adkryvajecca vid z akna. Kvatera paśla kapitalnaha ramontu znachodzicca na 2 paviersie.
Płošča abjekta: 36,8 «kvadrata». Pakoj i kuchnia izalavanyja. Sanvuzieł paasobna, z vannaj. Kvatera pradajecca z meblaj i bytavoj technikaj.
Košt: 307 197 rubloŭ ($99 000).
Karła Marksa, 6
U zacišnym cichim dvary z šłahbaŭmam pradajecca 2-pakajovaja kvatera. Dom raźmiaščajecca bližej da pačatku vulicy, što kaža ab blizkaści da Hałoŭpaštamta i vakzała.
Tut praktyčna na kožnym kroku pracujuć kaviarni, kafe i restarany. Kvatera raźmieščana na 3-m paviersie. Ahulnaja płošča zajmaje 59,2 kv. m. Unutry vykanany łakaničny ramont. Padłoha — łaminat i plitka. Sanvuzieł sumieščany, z vannaj. U kvatery jość usia nieabchodnaja mebla i bytavaja technika.
Košt: 474 449 rubloŭ ($ 152 900).
Karła Marksa, 8
Pa susiedstvie ad Marksa, 6 pradajecca 3-pakajovaja kvatera ŭ budynku z Cafe de Paris. Bałkon vychodzić na tuju častku vulicy, pa jakoj lubiać hulać turysty, a sam dvor cichi i zialony. Kvatera znachodzicca na 3-m paviersie piacipaviarchovaha doma. Ahulnaja płošča składaje 66 «kvadrataŭ». Unutry vykanany sučasny ramont u śvietłych tanach. Usie pakoi i kuchnia izalavanyja. U sanvuźle — dušavaja kabina.
Košt: 564 746 rubloŭ ($182 000).
Karła Marksa, 42
Bližej da parku Horkaha i cyrka prapanujuć kupić 4-pakajovuju kvateru architektara Juryja Špita, jaki i sprajektavaŭ hety dom. Hetaja častka vulicy zabudoŭvałasia paźniej, tamu na źmienu 5-paviarchovym stalinkam prychodziać 9-paviarchovyja damy.
Pobač znachodzicca nabiarežnaja Śvisłačy, kudy možna adpraŭlacca na prahułki i ŭ spartyŭny centr. Kvatera znachodzicca na 5 paviersie.
Ahulnaja płošča 85,2 «kvadrata». Pakoi paasobnyja. Ramont u savieckim styli z adpaviednaj meblaj. Sanvuzieł paasobna. U adnym z pakojaŭ jość vychad na łodžyju.
Košt: 639 218 rubloŭ ($ 206 000).
Karła Marksa, 42
U domie architektara Špita možna razhledzieć jašče adnu prapanovu — 5-pakajovuju kvateru z sučasnym ramontam. Raźmiaščeńnie ŭ cichim centry dazvalaje žyć u adzinocie, adnačasova da praśpiekta Niezaležnaści — 5 chvilin chady. U dvary jość šłahbaŭm. Kvatera adna na placoŭcy, raźmieščanaja jana na 6 paviersie. Ahulnaja płošča zajmaje 165,1 kv. m, uvachodnyja dźviery mietaličnaja. Korpusnaja mebla vyrablałasia pa indyvidualnaj zamovie.
U kvatery 3 sanvuzły i 2 łodžyi. Na padłozie kieramičnaja plitka i parkiet. Santechnika italjanskaja.
Košt: 1 424 277 rubloŭ ($ 459 000).
«Tut niama ludskich kram». Jak žyviecca na paŭvostravie la Śvisłačy ŭ centry Minska
U Kamiennaj Horcy pradali kvateru za 160 tysiač dalaraŭ. U čym jaje niezvyčajnaść?
U hetym domie kala Steły sialiłasia elita. Zaraz tam pradajecca «panskaja kvatera» ź lustrami Swarovski, dźviuma łodžyjami i asobnym kabinietam
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary