«Na narmalnuju pracu idzi i nie skardzisia!» Traktaryst pakazaŭ raźlikoŭku — jaho stali pavučać
Traktaryst-mašynist pakazaŭ u tyktoku svoj raźlikovy listok za kastryčnik. Jon paskardziŭsia, što atrymaŭ na ruki ŭsiaho 254 rubli. «Skažycie, kali łaska, jak za takija hrošy možna pražyć miesiac?»
Mužčyna pracuje pa damovie padradu ŭ adnym ź sielhaspradpryjemstvaŭ Rahačoŭskaha rajona. U kastryčniku ŭ jaho było 20 pracoŭnych dzion i pracy ŭ jaho sapraŭdy chapała. Jon tłumačyć, što punkt «salda minułaha miesiaca 324,75» aznačaje zarobak za minuły miesiac (tady ŭ mužčyny było ŭsiaho 8 pracoŭnych dzion). «Apłata pavodle rascenak, u nas prosta ekanamist dobry», — udakładniŭ mužčyna i dadaŭ, što jamu zapłacili tolki za adzin vid pracy, a za inšyja — nie.
Treba ŭličyć, što 136 rubloŭ u jaho źniali jašče za charčavańnie. Ale navat ź imi vynikovaja suma zusim nievialikaja.
Padtrymki i spačuvańnia traktaryst ad padpisčykaŭ amal što nie atrymaŭ.
Pavučać jaho pryjšła žančyna pad nikam «Biełorusočka». Na jaje staroncy raźmieščany ściahi Biełarusi i Rasii, jana repościć naviny prapahandy, łaić Cichanoŭskuju, a jašče śćviardžaje, što jabaćka — heta kamplimient.
«Biełorusočka» pačynaje z taho, što nichto nie pieraškadžaje traktarystu pamianiać pracu, a potym publikuje jašče ź dziasiatak kamientaryjaŭ z ahulnym pasyłam «sam vinavaty».
Šmat chto ŭ kamientaryjach padzialaje jaje pazicyju:
«Moža, treba ŭsio ž pačać pracavać? Choć navošta, i tak pojdzie, u tyktoku viesialej», «Mužčynie praściej znajści dobruju pracu, było b žadańnie», «Značyć vas usio zadavalniaje».
Niechta złujecca i piša, što ŭ Biełarusi nie byvaje takich zarobkaŭ.
chorošaja zarpłata
Byli i tyja, chto sprabavaŭ znajści pryčynu takoj nievialikaj sumy: «Mienš pić treba, nie buduć pazbaŭlać premii i zarobak budzie narmalnym». Traktaryst aburyŭsia: kaža, što premij u ich nikoli nie było.
Jašče adzin ekśpiert zapytaŭsia: «Nie kryŭdzisia, ale kolki salary źlita?»
Chtości sprabuje supakoić traktarysta: «Paviercie, jość jašče mienš». Adznačylisia ŭ kamientaryjach i inšyja ahraryi, jakija paviedamili, što ŭ ich takaja samaja situacyja. Niechta sumna pažartavaŭ: «Nie, pa cieleku kažuć 2500». «Aha, tolki dzie?» — udakładniaje aŭtar videa.
Kamientary