Sienat ZŠA zabłakavaŭ pytańnie ab dapamozie Ukrainie. Bajden nazvaŭ heta «palityčnym šantažom»
«Za» prahałasavała tolki 49 sienataraŭ pry minimalna patrebnych 60 hałasoŭ.
Zakonaprajekt ab akazańni dapamohi Ukrainie, Izrailu i Tajvaniu nie prajšoŭ pracedurnyja hałasavańni ŭ Sienacie Kanhresa ZŠA, piša «Ukrainskaja praŭda».
Dla vyniasieńnia zakonaprajekta na hałasavańnie jon pavinien byŭ atrymać chacia b 60 hałasoŭ sa 100.
«Za» prahałasavali tolki 49 sienataraŭ.
20 kastryčnika prezident Džo Bajden źviarnuŭsia da Kanhresa ZŠA z zapytam amal na 105 miljardaŭ dalaraŭ na finansavańnie dapamohi Ukrainie, Izrailu i biaśpieki miežaŭ ZŠA.
Samy vialiki zapyt Bajdena ŭ hetym pakiecie — bolš za 61 miljard dołaraŭ — praduhledžany dla Ukrainy.
Akramia hetaha, Bajden taksama zaklikaŭ vyłučyć dadatkova 14,3 miljarda dalaraŭ dla Izraila, jašče 2 miljardy dalaraŭ dla biaśpieki Tajvania i Inda-Cichaakijanskaha rehijona i krychu bolš za 9 miljardaŭ dalaraŭ na humanitarnuju dapamohu.
«Heta palityčny šantaž, samy sapraŭdny i prosty. Staŭki zanadta vysokija, a nastupstvy — zanadta značnyja dla palityčnych hulniaŭ», — adreahavaŭ na heta Bajden.
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie6
Kamientary