U składzie delehacyi na samit u AAE lotała siabroŭka Koli Łukašenki? — Motolkohelp
Redakcyja «MotolkoPomohi» atrymała śpis udzielnikaŭ delehacyi ad Biełarusi na klimatyčnym samicie ŭ Dubai. U im amal 50 čałaviek. Najbolš cikavymi vyhladajuć dźvie asoby, jakija supravadžali Alaksandra Łukašenku i Mikałaja.
Mikałaj Łukašenka byŭ paznačany jak małady delehat ad BDU.
Inšaj maładoj delehatkaj ad univiersiteta ŭpisana Palina Žohła.
Pra Palinu Žohłu infarmacyi vielmi mała. Viadoma, što jana źjaŭlajecca studentkaj 2-3 kursa jurydyčnaha fakulteta BDU.
Letaś dziaŭčyna atrymała status dublorki adnaho z moładzievych pasłoŭ Met ustojlivaha raźvićcia. Akramia taho, na sajcie BDU možna znajści niekalki jaje dakumientaŭ, siarod jakich «Da pytańnia pra vyznačeńnie paniaćcia «kibierzłačynstva» i «Pravavyja prablemy rehulavańnia manitorynhu navakolnaha asiarodździa».
Na samicie prysutničała i finalistka «Mis Biełaruś — 2021» Uładlena Zajcava. Jana, mierkavana, była siarod tych čatyroch čałaviek, chto apładziravaŭ pramovie Łukašenki.
Uładlena ŭ śpisie paznačanaja jomistym słovam «aficer», joj 25 hadoŭ, rodam z Mahilova, skončyła mahistraturu Mahiloŭskaha dziaržaŭnaha ŭniviersiteta imia Arkadzia Kulašova i pajšła pracavać na mytniu. Jana nieadnarazova była zaŭvažanaja ŭ kampanii Łukašenki, naprykład, u śniežni 2021 hoda jana tancavała ź im na Respublikanskim bali dla moładzi, a paźniej i na bali vypusknikoŭ u 2023 hodzie.
Uładlena Zajcava razam z Łukašenkam na bali vypusknikoŭ u 2023 hodzie.
Adno ź ich apošnich sumiesnych źjaŭleńniaŭ na publicy było ŭ lipieni hetaha hoda na fiestyvali ŭ Aleksandryi, dzie Zajcava siadzieła pobač z Łukašenkam.
«My dla ich — miasa». Palitviazień vyjšaŭ ź miełanomaj, jon uskładaje vinu na načalnicu sančaści i prymusovaje haleńnie hałavy7
Kamientary
Adam Kadyraŭ-2?