Zialenski paviedamiŭ, jakija krainy padajuć Ukrainie novyja pakiety padtrymki
Unačy 15 śniežnia prezident Uładzimir Zialenski źviarnuŭsia da ŭkraincaŭ sa Lvova i paviedamiŭ pra novyja pakiety padtrymki ad roznych krain, piša «Ukrainskaja praŭda».
«Ja viarnuŭsia va Ukrainu, ciapier u Lvovie z rašeńniem pa Jeŭrasajuzie i inšymi rečami, jakija ŭzmocniać supraćpavietranuju abaronu. Pakietaŭ padtrymki taksama budzie bolš. Byŭ dobry samit z paŭnočnymi krainami…», — skazaŭ jon.
«Mocnyja rašeńni: Danija — pakiet na miljard dalaraŭ dla abarony nieba, artyleryja, šmat čaho jašče. Narviehija: novy pakiet na bolš jak 400 miljonaŭ dalaraŭ, u pryvatnaści SPA. Finlandyja taksama rychtuje novy pakiet. Isłandyja rychtuje prahramu doŭhaterminovaj finansavaj padtrymki — vielmi važkuju. Šviecyja — taksama novy pakiet».
Taksama Zialenski skazaŭ pra «mocnyja zajavy samitu» i pra toje, što heta «jašče adzin palityčny snarad, jaki nabližaje pieramohu».
«Na rozdum dali paŭhadziny». Nastaŭnicy z Połacka daviałosia zvolnicca z-za tyktok-błoha2
Kamientary