Pierad studentami minskaha VNU vystupiŭ «hieroj SVA». Akazałasia, što heta prafiesijny «riažienyj»
U minskim filijale Rasijskaha dziaržaŭnaha sacyjalnaha ŭniviersiteta ŭ pačatku śniežnia prajšła sustreča studentaŭ i «ludziej, na jakich treba raŭniacca i brać prykład». Da hetych ludziej pilna pryhledzieŭsia Reform.by i vyjaviŭ cikavyja rečy.
Siarod prysutnych haściej u vajskovaj formie z našyŭkami byŭ zaŭvažany žychar rasijskaha Kurhana Alaksandr Pyłkoŭ, pradstaŭleny ŭ pres-relizie RDSU jak «piedahoh-arhanizatar Centra raźvićcia sučasnych kampietencyj rehijanalnaha centra patryjatyčnaha vychavańnia, kiraŭnik aŭtanomnaj niekamiercyjnaj arhanizacyi «Centr patryjatyčnaha vychavańnia «Dobraja ziamla».
Vystupaŭ Pyłkoŭ pierad studentami jak bajavy aficer, udzielnik «śpiecyjalnaj vajennaj apieracyi» (takim eŭfiemizmam rasijskija i łukašenkaŭskija prapahandysty i aficyjnyja asoby nazyvajuć raźviazanuju Rasijaj vajnu va Ukrainie).
Nasamreč, jak vyśvietliŭ Reform.by, choć hety čałaviek sapraŭdy zajazdžaŭ na front, ale jahony ŭdzieł u vajnie byŭ chutčej dla nabyćcia adpaviednaha radka ŭ bijahrafii. U siaredzinie lutaha 2023 hoda, jak Pyłkoŭ sam havoryć u adnym ź intervju, jon pajechaŭ dobraachvotnikam u kazačuju bryhadu «Don» bataljona «Jenisiej», adkul źniaŭ rolik, jaki rasčuliŭ navat topavuju prapahandystku Marharytu Simańjan.
Praź miesiac paśla publikacyi rolika Pyłkova pryznačyli zampalitam i kiraŭnikom pres-słužby bataljona, i paśla taho jon zajmaŭsia na Danbasie zbolšaha supravadžeńniem prapahandystaŭ dy zdymańniem rolikaŭ dla tyktoka. A ŭžo ŭ siaredzinie maja 2023 hoda jahonaja «vajskovaja karjera» skončyłasia.
Jašče pierad tym Alakasandr Pyłkoŭ zajmaŭsia zboram achviaravańniaŭ dla vajskoŭcaŭ praz svaju arhanizacyju «Dobraja ziamla», nazyvajučy siabie kašavym atamanam i forsiačy ŭ kazačym adzieńni.
Ale dla hieraičnaha vobrazu i vialikich biudžetaŭ nie chapała tolki realnaha ŭdziełu ŭ vajnie, prablema z čym była vyrašana praz vyšejzhadanaje trochmiesiačnaje turne.
Ciapier dla prafiesijnaha «riažienoho» adčynienyja ŭsie dźviery, jaho časta zaprašajuć na sustrečy z moładździu i piensijanierami. Prytym na adnoj z sustreč jon navat vydavaŭ siabie za deputata Dziaržaŭnaj dumy.
Praha da zboru hrošaj nibyta na dabračynnaść u Pyłkova prajaviłasia zadoŭha da pačatku poŭnamaštabnaj vajny, jašče ŭ 2019 hodzie. Jon źbiraŭ hrošy na ŭsio: pačynajučy ad sacyjalna-reabilitacyjnaha centra dla niepaŭnaletnich, zakančvajučy piensijanierami. Ale sapraŭdnuju załatuju žyłu Alaksandr adkryŭ 24 lutaha 2022 hoda — mienavita tady jon całkam pieraaryjentavaŭsia na zbor srodkaŭ dla vajny z Ukrainaj.
«Ludzi vychodzili adtul mokryja, byccam u h…no ich mačanuli». Prapahandyst Mukavozčyk vučyŭ patryjatyzmu žodzinskich piedahohaŭ
«Kali trapicie ŭ pole zroku, vas znojduć». Siłaviki pračytali «lekcyju» bresckim studentam, na jakich niadaŭna ŭčynili abłavu
«Jašče adzin krok — i jaho žyćcio mahło pajści pad adchon». Prapahandysty źniali na fonie adčynienaj kamiery chłopca, jaki nibyta «pryjšoŭ z pavinnaj»
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary