Z-vajenkaram dźviery kvater u Sankt-Pieciarburhu zalili mantažnaj pienaj
Rasijskim vajskovym prapahandystam Ramanu Sapańkovu i Dźmitryju Ściešynu mantažnaj pienaj zalili dźviery ŭ ich kvaterach. Pasty pra heta apublikavali ŭ svaich kanałach sami Z-vajenkary.
Ściešyn zajaviŭ, što sapsavali dźviery kvatery pa jaho starym miescy prapiski ŭ Sankt-Pieciarburhu.
«Zajavu palicyja pryniała, ale niejak biez ahieńčyka. Matacykłaŭ z kulamiotami nie dasyłali. Danyja z kamier zdymać nie stali. Nu, heta pakul», — napisaŭ jon u telehram-kanale.
Sapańkoŭ napisaŭ, što sam jon «u zonie SVA», a «prychilniki» ŭ jaho pabyvali.
«Palicyja pryjazdžać admoviłasia. Skazali, što pahrozy žyćciu nie było, a kalidornyja dźviery ŭ nas naohuł ustalavanyja niezakonna, tamu kali budziem praciahvać aktyŭnaść, to dźviery mohuć i źnieści. Rasija-matuška. I čamu ja nie ździŭleny», — napisaŭ prapahandyst.
U MUS zrabili spravazdaču, što ŭžo šukajuć padazravanych.
U vieraśni aŭtaru tekstu RIA Novosti ab «vyrašeńni ŭkrainskaha pytańnia» Cimafieju Siarhiejcavu padkinuli śvinuju hałavu, zahornutuju ŭ čorny pakiet. Taki ž «padarunak» prysłali vajskovamu ekśpiertu Kanstancinu Siŭkovu i supracoŭniku TASS Michaiłu Ciareščanku.
U listapadzie žonka «vajenkara» «Kamsamolskaj praŭdy» Alaksandra Koca paskardziłasia na pahrozy. Palicyja raspačała kryminalnuju spravu pavodle artykuła ab «pieraškodzie zakonnaj dziejnaści žurnalista», nahadvaje «Mieduza».
Kamientary
Dobry pačatak!