Hienieralnym dyrektaram AAT «Babuškina krynka» pryznačany Eduard Areška, paviedamiŭ u telehram-kanale staršynia Mahiloŭskaha abłvykankama Anatol Isačanka.
Eduard Areška raniej byŭ antykryzisnym kiraŭnikom Klimavickaha likiora-harełačnaha zavoda, a taksama kiraŭnikom «Mahiloŭabłcharčprama», piša Mogilev Online.
Areška stanie čaćviortym hiendyrektaram małočnaha hihanta za 6 hadoŭ. «Babuškina krynka» — samy bujny hulec na małočnym rynku Mahiloŭščyny. Pavodle nacyjanalnaha ahienctva Biełarusi, zajmaje 9 miesca ŭ top-100 adkrytych akcyjaniernych tavarystvaŭ krainy.
Minułaha dyrektara pradpryjemstva Hienadzia Skitava zatrymali pa hučnaj «małočnaj spravie» za atrymańnie chabaru ŭ asabliva bujnym pamiery.
14 listapada namieśnik načalnika śledčaha ŭpraŭleńnia Kamiteta dziaržaŭnaj biaśpieki Kanstancin Byčak zajaviŭ, što fihurantami «małočnaj» spravy stali 26 čałaviek, ź ich 15 utrymlivajucca pad vartaj.
Aryštavany Hienadź Skitaŭ, jak śćviardžaje KDB, arhanizavaŭ «sumnieŭnyja schiemy realizacyi pradukcyi AAT «Babuškina krynka». Jon sfarmavaŭ kamandu mieniedžaraŭ ź liku svajakoŭ i byłych padnačalenych, uvioŭ novuju zbytavuju palityku i «zamknuŭ finansavyja patoki na siabie».
Łukašenka zajaviŭ, što «šlacham podkupu asobnyja kamiersanty atrymlivali prava pieršačarhovaha raźmierkavańnia małočnaj pradukcyi (masła, syroŭ, inšaj małočnaj pradukcyi) na svaju karyść z mahčymaściu zakupki pa canie nižejšaj za ŭstanoŭleny indykatyŭ».
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
Kamientary
Skamiejka bieruŝich vsio koročie....