Pucin zajaviŭ, što Zachad pierajhraŭ Rasiju va Ukrainie paśla 2014-ha
Pavodle Pucina, paśla «dziaržaŭnaha pieravarotu» va Ukrainie ŭ 2014 hodzie Rasii daviałosia «padtrymać Krym», a zatym «uźnikła prablema Danbasa».
Zachad u niekatoraj stupieni «pierajhraŭ» Rasiju padčas situacyi va Ukrainie paśla 2014 hoda, zajaviŭ prezident Uładzimir Pucin na pašyranym pasiadžeńni kalehii Minabarony, piša RBK.
Pa słovach kiraŭnika dziaržavy, kali na Ukrainie «nacyjanalistyčnyja siły» ździejśnili «dziaržpieravarot», Rasii nie zastavałasia ničoha, akramia jak «padtrymać Krym», inakš by tam zdaryłasia «raźnia».
U situacyi z Danbasam, adznačyŭ Pucin, Maskva była hatovaja «pastupova adnavić terytaryjalnuju cełasnaść Ukrainy», uklučajučy hety rehijon, na peŭnych umovach; dla hetaha byli ŭkładzienyja Minskija pahadnieńni, ale Ukraina i Zachad raźviazali tam «faktyčna vajnu» ŭ 2014-m, i Rasija vymušanaja była pastupova «ŭciahnucca», kab tam ludziej «nie vyniščyli».
«Zachad, asabliva tam za akijanam, jany z zadavalnieńniem nazirali. U hetym sensie, kali možna tak skazać, jany nas pierajhrali. Voś heta vykarystańnie ahresiŭnaj pazicyi zmušała nas na niejkija dziejańni ŭ adkaz», — skazaŭ Pucin.
Zatym Kijeŭ i zachodnija krainy admovilisia ad vykanańnia Mienskich damoŭlenaściaŭ dla stvareńnia sučasnaj ukrainskaj armii, zajaviŭ Pucin. Heta była «druhaja častka marlezonskaha baleta», meta jakoj — «uciahnuć Ukrainu ŭ NATA», śćviardžaje kiraŭnik rasijskaj dziaržavy. Pry hetym dla Rasii heta nieprymalna ni siońnia, ni zaŭtra, ni praz 10-15 hadoŭ, skazaŭ jon.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim17
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3636
Kamientary