Biełaruska zapuściła prahramu, jakaja hienieruje AR-filtry dla videa i fota
Amierykanski startap ź biełaruskimi karaniami Shader vypuściŭ prahramu, u jakoj karystalniki z dapamohaj niejrasietki mohuć hienieravać novyja AR-filtry dla videa i fota. Ciapier prahrama vychodzić na pieradkaladny Product Hunt, piša Office Life.
Jak raskazała zasnavalnica prajekta Darja Siesickaja, kančatkovaje rašeńnie ab zapusku praduktu pierad kaladnymi śviatami pryniali paśla taho, jak adzin z bujnych amierykanskich błohieraŭ apublikavaŭ ahlad ab prahramie ŭ siabie ŭ sacsietcy X:
«Mnie padabajecca, jak błohier apisaŭ naš startap — Text-to-AR. Tradycyjna stvareńnie AR-filtraŭ patrabavała prafiesijnaha kodinha i dyzajnu. Naša kamanda robić noŭkod-instrumient, stvarajučy kamieru smartfona budučyni. Dziakujučy Shader kožny zmoža stvaryć efiekt, filtr tolki z dapamohaj promta ci navat hałasu. My vyvučajem ideju taho, što karystalnik moža vymavić što-niebudź nakštal Hey Shader, make me look cyberpunk («Pieratvary mianie ŭ kibierpank-hieroja») ci Add elf ears («Dadaj elfijskija vušy»), i vynik moža źjavicca ŭ real-time-kamiery».
Karystalniku prahramy dastatkova apisać na anhlijskaj movie toje, što jon choča atrymać ad niejrasietki. Paśla hetaha štučny intelekt hienieruje kaladny efiekt, jaki adlustrujecca na fota ci videa ŭ realnym časie. Filtr možna ekspartavać u inšyja sacsietki. Pry hetym niejrasietka zdolnaja hienieravać efiekty adrazu ź niekalkimi ludźmi ŭ kadry.
Shader składajecca z eks-supracoŭnikaŭ startapa Wannaby, kampanij Snapchat, Pinata Farms i Blizzard. U žniŭni kampanija aficyjna abviaściła ab pryciahnieńni inviestycyj na 580 tys. dalaraŭ. Padčas śviataŭ usie funkcyi prahramy buduć u biaspłatnym dostupie.
«Dobry lesarub, ale sa źviazanymi rukami». Dypłamaty padsumoŭvajuć vyniki pracy zvolnienaha ministra Alejnika2
Kamientary