Z rasijskaha vajskoŭca spahnali $150 tysiač za toje, što jon raźbiŭ ZRK «Pancyr» ab čyhunačny most u Pieciarburhu
Incydent adbyŭsia ŭ noč na 1 lipienia 2023 hoda.
Sankt-Pieciarburhski harnizonny vajenny sud zadavoliŭ pazoŭ Minabarony da kamandzira zienitnaj rakietna-artyleryjskaj batarei, jaki raźbiŭ bajavuju mašynu ab čyhunačny most, i spahnaŭ ź jaho 14 miljonaŭ rasijskich rubloŭ.
Incydent adbyŭsia ŭ noč na 1 lipienia 2023 hoda. Kamandzir, imia jakoha nie nazyvajecca, nie skłaŭ aŭtanomnaha aptyčnaha pasta (jon pryznačany dla pošuku celi) bajavoj mašyny, jakaja prajazdžała pad čyhunačnym mostam na Pułkaŭskaj šašy, u vyniku čaho vajennaja technika atrymała paškodžańni.
Havorka idzie pra zienitna-rakietnym kompleks «Pancyr-S».
Kamandziru vystavili kryminalny artykuł ab źniščeńni abo paškodžańni vajennaj majomaści pa nieaściarožnaści. Pa joj sud aštrafavaŭ jaho na 50 tysiač rubloŭ (550 dalaraŭ), a taksama zadavoliŭ hramadzianski pazoŭ Minabarony, pa jakim z vajennaha spahnali 13,9 miljona rubloŭ (na siońnia heta 152 tysiačy dalaraŭ).
U bazie suda «Mieduza» znajšła tolki adnu spravu pavodle artykuła ab źniščeńni abo paškodžańni vajskovaj majomaści. Abvinavačanym pa joj prachodzić Vital Maćviajčuk. Sprava pastupiła ŭ sud 9 listapada, prysud pa joj byŭ vyniesieny 7 śniežnia. Ci idzie havorka pra hetaha kamandzira, nieviadoma.
Pry vyniasieńni prysudu sud uličyŭ u jakaści źmiakčalnych abstavinaŭ najaŭnaść u vajskoŭca małaletniaha dziciaci i maci ź invalidnaściu, jakoj jon dapamahaje, a taksama jaho raskajańnie i słužbu ŭ Siryi, u składzie kantynhientu AAN u Afrycy i ŭdzieł u vajnie va Ukrainie.
-
Na prezidenckich vybarach u Iranie lidziruje kansiervatyŭny kandydat
-
Dziesiaciarych cyvilnych ukraincaŭ, vyzvalenych paśla źniavoleńnia ŭ Rasii i Biełarusi, sustreli ŭ kijeŭskim aeraporcie «Žulany» FOTAFAKT
-
Ukraina viarnuła piać svaich palitviaźniaŭ ź Biełarusi. I navat Mikołu Švieca, dyviersanta z Mačuliščaŭ
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant31
Kamientary