Škarpetki na batarejkach i nie tolki. Hadžety, jakija dapamohuć sahrecca ŭ lutyja marazy
U Biełaruś pryjšła sapraŭdnaja zima, bližejšymi dniami słupki termomietraŭ na poŭnačy krainy apuściacca nižej za 20 hradusaŭ. «Naša Niva» pahladzieła, jakija hadžety dapamohuć pieražyć lutyja marazy.
Škarpetki na batarejkach i vuściłki z USB
Kab trymać nohi ŭ ciaple, možna nabyć termaškarpetki z padahrevam. U zaležnaści ad madeli, padobnyja hadžety pracujuć ad akumulataraŭ, jakija zaradžajucca praz USB-kabiel, abo ad zvyčajnych batarejek. Škarpetki majuć try režymy ad 35 da 55 hradusaŭ. Padahravajuć jany nie ŭsiu stupniu, a tolki piaredniuju častku. Čas pracy da 5 hadzin.
Škarpetki na batarejkach kaštujuć kala 60 rubloŭ.
Inšy varyjant padahreć nohi — vuściłki z padahrevam. Vuściłki ŭniviersalnych pamieraŭ ad 33-ha da 41-ha i 41-45.
Kaštujuć jany ad 20 da 55 rubloŭ. Pracujuć ad paŭerbenku praz USB-raźjom. Maksimalnaja tempieratura nahrevu — 50 hradusaŭ.
Hrełki salavyja i partatyŭnyja
Paśla aktyvacyi salavaja hrełka nabiraje tempieraturu da 50 °C, jakuju trymaje ciaham 20-60 chvilin. Prymusić hrełku stać ciopłaj možna nie bolš za 1000 razoŭ.
U zaležnaści ad madeli, salavyja hrełki kaštujuć ad 8,5 da 35 rubloŭ.
Kišennaja partatyŭnaja hrełka praz małyja pamiery chutčej padydzie tolki dla abahrevu ruk, tamu častka padobnych hadžetaŭ pradajecca paraj. Tempieratura nahravańnia ad 40 da 60 hradusaŭ.
U zaležnaści ad madeli, abahravalnik dla ruk moža pracavać da 9 hadzin. Aproč hetaha, padobnyja hrełki možna vykarystoŭvać u jakaści lichtaryka i paŭerbenka. Kaštujuć jany ad 30 rubloŭ.
Termasy i termakubki
Zachavać napoi ciopłymi dapamohuć termakubki z padahrevam. U zaležnaści ad madeli, dla pracy kubka patrebny raźjom USB abo prykuryvaciel. Maksimalnaja tempieratura nahrevu składaje 80 hradusaŭ.
Termakubak z padahrevam moža siłkavacca ad ručnoha abahravalnika z funkcyjaj paŭerbenka, što dapamoža abahrecca jak zvonku, tak i znutry.
Čytajcie taksama:
U Finlandyi zafiksavali samuju nizkuju tempieraturu ŭ XXI stahodździ. U krainie admianiajuć ciahniki
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant26
Kamientary