U Breście asudzili doktara-ŭrołaha za nibyta raspaŭsiud piersanalnych źviestak supracoŭnikaŭ MUS
Sud Maskoŭskaha rajona Bresta 5 studzienia zaviaršyŭ razhlad kryminalnaj spravy 30-hadovaha Aleha Zykuna.
Jaho abvinavacili pavodle č.3 art. 203-1 KK. Sudovy praces viała sudździa Maryna Skałkovič, dziaržabvinavaŭca — Jahor Kronda.
Pa viersii abvinavačvańnia, doktar-urołah abłasnoha kliničnaha špitala naŭmysna i niezakonna raspaŭsiudžvaŭ piersanalnyja danyja supracoŭnikaŭ MUS, jakija šukaŭ, jak miarkuje śledstva, u telehram-kanale «Nexta». Potym jon «raspaŭsiudžvaŭ» ich u łakalnaj sietcy na pracy, što było vyjaŭlena letam 2023 hoda.
Pravaabaroncam pakul nieviadomy prysud, jaki byŭ vyniesieny Alehu, adnak pavodle pradjaŭlenaha abvinavačańnia, jamu moža pahražać da 5 hadoŭ abmiežavańnia voli, albo da 5 hadoŭ pazbaŭleńnia voli sa štrafam, piša «Viasna».
Kamientary