«Budu supraciŭlacca, kolki zmahu». U treniera Śviena-Jorana Eryksana dyjahnastavali terminalny rak
Eryksanu — 75 hadoŭ. Pavodle jaho słoŭ, mahčyma, jamu zastałosia zusim mała času, ale jon starajecca pra heta nie dumać.
Były trenier zbornaj Anhlii pa futbole Śvien-Joran Eryksan pryznaŭsia, što kala hoda tamu jamu dyjahnastavali nieapierabielny rak mozha, i ciapier daktary prahnazujuć dla jaho jašče ad siły hod žyćcia, piša Bi-bi-si.
U suviazi z hetym jon zajaviŭ, što pastarajecca zrabić tak, kab hety hod staŭ najlepšym z usich pražytych.
Eryksanu — 75 hadoŭ. Pavodle jaho słoŭ, mahčyma, jamu zastałosia jašče mienš času, ale jon starajecca pra heta nie dumać.
«Ja budu supraciŭlacca stolki, kolki zmahu», — skazaŭ Eryksan šviedskamu radyjo P1.
Śvien-Joran Eryksan pačaŭ karjeru futbolnaha treniera ŭ 1976 hodzie ŭ siabie na radzimie, uznačaliŭšy spačatku šviedski kłub «Dehierfors», a zatym «Hioteborh».
Z 1982 hoda jon pracavaŭ z roznymi zamiežnymi kłubami, uklučajučy takich hrandaŭ, jak partuhalskaja «Bienfika», italjanskaja «Roma», anhlijskija «Mančester Sici» i «Lester Sici» i mnohija inšyja.
Uznačalvaŭ zbornyja Anhlii, Mieksiki, Kot-DJIvuara i Filipin.
Daŭžej za ŭsio jon prabyŭ hałoŭnym trenieram anhlijskaj zbornaj — z 2001 pa 2006 hh.
Šviedski śpiecyjalist staŭ pieršym zamiežnym trenieram zbornaj Anhlii. Jon zaniaŭ svaju pasadu ŭ 2001 hodzie i ŭžo ŭ 2002-m vyvieŭ svaju kamandu ŭ čverćfinał čempijanatu śvietu.
Pad jaho kiraŭnictvam anhličanie taksama vychodzili ŭ čverćfinały čempijanatu Jeŭropy-2004 i ČS-2006.
Ahułam jon kiravaŭ roznymi futbolnymi kłubami ciaham 47 hadoŭ.
Jaho apošnimi padapiečnymi stali futbalisty šviedskaha kłuba «Karłstad», ź jakimi jon raźvitaŭsia 11 miesiacaŭ tamu, kali jamu pastavili dyjahnaz.
Ciapier Śvien-Joran žyvie ŭ chośpisie, ale, pavodle jaho, viadzie absalutna narmalny ład žyćcia: naviedvaje svaich blizkich, a jany — jaho. Jon šmat kantaktuje ź inšymi pacyjentami i zajmajecca sportam, choć značna mienš, čym navat hod tamu.
«Kali tabie abviaščajuć taki dyjahnaz, raptam pačynaješ šanavać kožny dzień i ščaślivy ŭžo ad taho, što pračnuŭsia ranicaj i adčuvaješ siabie dobra», — kaža Eryksan.
Pra toje, što jon chvory, vyśvietliłasia, kali dzieci advieźli jaho ŭ balnicu ź mikrainsultam.
Abśledavańnie pakazała, što na toj momant jon pieranios užo piać mikrainsultaŭ i ŭsie jany nie mieli surjoznych nastupstvaŭ. Tady ž daktary ŭbačyli puchlinu.
«Mnie skazali, što pryznačać lačeńnie, kab maksimalna padoŭžyć majo žyćcio. Ale dyjahnaz kančatkovy, i apieracyja, na žal, niemahčymaja», — kaža Eryksan.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary