Jaho zatrymali jašče 22 červienia, ale pra heta mała chto viedaŭ.
Praces projdzie ŭ Minskim haradskim sudzie, sudździoj pryznačana Žanna Brysina. Barysaŭskaha fatohrafa vinavaciać pa č. 3 art. 361-1 Kryminalnaha kodeksa (udzieł u ekstremisckim farmavańni). Pavodle sankcyj hetaj častki artykuła, padsudnamu pahražaje ad dvuch da šaści hadoŭ pazbaŭleńnia voli, paviedamlaje Biełaruskaja asacyjacyja žurnalistaŭ.
Alaksandra Ziankova zatrymali 22 červienia 2023 hoda ŭ jaho domie ŭ Barysavie. Siłaviki zładzili ŭ žylli pieratrus i zabrali kampjutarnuju techniku. Paśla hetaha Ziankova adrazu pavieźli ŭ Minsk, dzie peŭny čas trymali ŭ IČU na Akreścina, a potym pieraviali ŭ SIZA na vulicy Vaładarskaha.
Raniej Alaksandra zatrymlivali milicyjanty, ale da administracyjnaha, tym bolš kryminalnaha pieraśledu nie dachodziła. Prykładam, u lipieni 2020 hoda jon byŭ u liku 47 žurnalistaŭ i fatohrafaŭ, zatrymanych u Minsku i adpuščanych paśla pravierki dakumientaŭ. Paśla hetaha, u vieraśni 2020-ha, da barysaŭskaha fatohrafa prychodziła milicyja, kab papiaredzić pra niedapuščalnaść parušeńnia zakanadaŭstva.
Alaksandr Ziankoŭ pracuje fatohrafam-fryłansieram z 1998 hoda: jon zarehistravaŭsia jak pryvatny pradprymalnik, sam šukaŭ sabie pracy i płaciŭ padatki. Supracoŭničaŭ ź miascovymi niezaležnymi vydańniami. Potym zachapiŭsia videazdymkami, rabiŭ u tym liku i dakumientalnyja stužki, jakija atrymlivali ŭznaharody na fiestyvalach chryścijanskich filmaŭ i teleprahram «Mahnifikat». U pryvatnaści, u 2015 hodzie žury fiestyvalu adznačyła jaho tvorčuju pracu pra adbudavańnie carkvy ŭ vioscy Zembin.
U volny čas zachaplaŭsia fotazdymkami dzikaj pryrody.
Apošnim časam Alaksandr Ziankoŭ šmat padarožničaŭ i zajmaŭsia tvorčaściu — fatahrafavaŭ krajavidy, pryrodnyja źjavy, ptušak i pomniki architektury. U śniežni 2022 hoda ŭ jaho adbyłasia piersanalnaja fotavystava.
Za kratami znachodziacca 33 supracoŭniki miedyja.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary