Hramadstva55

Śpikier Andrejčanka raźvitvajecca z Pałataj, a ŭ MTS šukajuć novaha dyrektara zamiest jaho syna. Supadzieńnie?

Pa infarmacyi surazmoŭcaŭ «Našaj Nivy», prosta zaraz Saviet ministraŭ, Ministerstva suviazi i infarmatyzacyi, «Biełtelekam» i AAC unosiać prapanovy i ŭzhadniajuć asobu novaha kiraŭnika kampanii MTS. Z 2021 hienieralnym dyrektaram źjaŭlajecca Uładzisłaŭ Andrejčanka, syn kiraŭnika Pałaty pradstaŭnikoŭ. Zrešty, jahonaha baćku taksama vykidvajuć z pracy.

Uładzisłaŭ Andrejčanka pryjšoŭ pracavać u MTS hienieralnym dyrektaram u vieraśni 2021-ha, zamianiŭšy na pasadzie vychadca ź Minsuviazi Uładzimira Karpoviča.

Fota: mts.by 

Biełaruski MTS — heta biznes, jaki na 51% naležyć dziaržavie, a na 49% rasijskamu MTS. 

Dziaržava jak kiepski ŭłaśnik nie moža sama rabić taki vysokatechnałahičny biznes, a zaŭsiody robić jaho z kimści, tamu što nie maje ni patrebnych srodkaŭ dla inviestycyj, ni kampietentnych śpiecyjalistaŭ. A rasijanie byli adzinymi, chto pahadziŭsia zajści na rynak na ŭmovach biełaruskich uładaŭ, kali jaho adkryli (da ŭvachodu MTS manapalistam byŭ «A1-Viełkom»). Dla dziaržavy tady było pryncypova stać mažarytaryjem novaha apieratara. 

Jak hałoŭny akcyjanier, biełaruskaja dziaržava atrymlivaje dyvidendy i pryznačaje kiraŭnika kampanii. A voś usio apieracyjnaje kiraŭnictva i vyznačeńnie biznes-stratehii zastajecca za rasijanami. 

Faktyčna, supracoŭniki MTS adnačasova padparadkoŭvajucca voli biełaruskaj dziaržavy i karparatyŭnym zahadam rasijskaj kampanii. Padbor kadraŭ na kampietentnyja pasady nie robicca biez zhody rasijan, što i ratuje MTS ad pieratvareńnia ŭ kałhas.

Ale samaja topavaja pasada — za biełarusami. 

Hienieralny dyrektar pryznačajecca Łukašenkam pa ŭsich praviłach biełaruskaj biurakratyi: pierad padačaj kandydatury Łukašenku dyrektara pavinny ŭzhadnić profilnyja viedamstvy, jakija tak ci inačaj dakranajucca da dziejnaści MTS. A heta Saviet ministraŭ, Ministerstva suviazi i infarmatyzacyi, Biełtelekam i Apieratyŭna-analityčny centr. 

Pa infarmacyi kampietentnych surazmoŭcaŭ «Našaj Nivy», roŭna ŭ hety čas i adbyvajecca praces vysoŭvańnia i ŭzhadnieńnia novych kandydatur na miesca novaha hienieralnaha dyrektara. 

Abstavinaŭ zamieny my pakul nie viedajem dakładna. Ale, siarod mieniedžaraŭ havorać biez kankretyzacyi pra pravały ŭ rabocie. 

Mierkavanaja adstaŭka Andrejčanki-małodšaha pa zabaŭnym supadzieńni jakraz prychodzicca da čas adstaŭki jahonaha baćki — šmathadovaha kiraŭnika Pałaty pradstaŭnikoŭ Uładzimira Andrejčanki, jakomu, vyhladaje, nie znojdziecca miesca ŭ novym sklikańni łukašenkaŭskaha parłamienta. 

Kamientary5

  • Łukanomika heta..
    13.01.2024
    Pierasoŭvać łožki ŭ bardele i čas ad času zvalniać 'dziaŭčynak'.
  • EMIL
    13.01.2024
    "Kroška syn
    k otcu prišioł,
    i sprosiła krocha:
    — Čto takoje
    chorošo
    i čto takoje
    płocho?"
  • mierkavańnie
    13.01.2024
    Moža nie pahadzilisia vykopyvać hraby i vazić u sud.

Režysiorka kancertaŭ dla Łukašenki śviatkavała Novy hod i Rastvo ŭ Vialikabrytanii — šmat FOTA5

Režysiorka kancertaŭ dla Łukašenki śviatkavała Novy hod i Rastvo ŭ Vialikabrytanii — šmat FOTA

Usie naviny →
Usie naviny

Anarchista Mikitu Jemialjanava, jaki bolš za piać hadoŭ znachodzicca ŭ źniavoleńni, znoŭ buduć sudzić

Razborki na Ščučynščynie. Jak kot Vasil prahnaŭ z aharoda lisu VIDEA5

Śledčy kamitet nazvaŭ asnoŭnuju viersiju hibieli milicyjanieraŭ

U Mahilovie ŭ «Jeŭraopcie» pad stollu raźviesili skryni z klejem i atrutaj dla vierabjoŭ6

U Viciebsku zahinuli dvoje milicyjanieraŭ

Ułady Vieniesueły zatrymali lidarku apazicyi pierad inaŭhuracyjaj Madury. Jaje źbili matacykłam

U Hdańsku spalili dom-pryčep biełarusa. Jon dapamahaŭ biazdomnym, a ciapier sam šukaje srodki na novaje žyllo

Polšča moža zakryć prahramu repatryjacyi departavanych u SSSR, ich naščadkaŭ i siemjaŭ

U bieraściejca na prahułcy raptoŭna zahinuŭ sabaka: abstaviny vielmi niečakanyja, ale heta dosyć niebiaśpiečny precedent9

bolš čytanych navin
bolš łajkanych navin

Režysiorka kancertaŭ dla Łukašenki śviatkavała Novy hod i Rastvo ŭ Vialikabrytanii — šmat FOTA5

Režysiorka kancertaŭ dla Łukašenki śviatkavała Novy hod i Rastvo ŭ Vialikabrytanii — šmat FOTA

Hałoŭnaje
Usie naviny →