Ukraincy imkliva skaračajuć vykarystańnie rasiejskaj movy ŭ sacsietkach — daśledavańnie
Novaje daśledavańnie, praviedzienaje navukoŭcami z Hiermanii i Vialikabrytanii, pakazała značnaje pavieličeńnie vykarystańnia ŭkrainskaj movy ŭ sacyjalnych sietkach siarod žycharoŭ Ukrainy. Daśledavańnie było praviedziena Miunchienskim univiersitetam imia Ludviha Maksimilijana sumiesna z brytanskim univiersitetam Bata i techničnym univiersitetam Miunchiena, piša Thinktanks.by.
Za dva hady vajny ŭkraincy ŭsio mienš stali vykarystoŭvać rasiejskuju movu ŭ sacsietkach. Z 2022 hoda žychary Ukrainy aktyŭna stali pierachodzić z rasiejskaj na ŭkrainskuju.
Jak adznačajuć aŭtary daśledavańnia, mova adyhryvaje viadučuju rolu ŭ identyčnaści postsavieckaj Ukrainy. Jany adznačajuć, što mnohija ŭkraincy svabodna vałodajuć jak ukrainskaj, tak i rasiejskaj movami. Pry hetym usiaho niekalki hadoŭ tamu ŭkrainskuju movu movaj znosin nazyvali ad 50 da 60% žycharoŭ krainy.
Paśla Majdana ŭ 2013 hodzie i anieksii Kryma ŭ 2014 hodzie ŭkraincy ŭsio bolš stali admaŭlacca ad vykarystańnia rasiejskaj movy.
Navukoŭcy vyrašyli vyvučyć heta raźvićcio ŭ daśledavańni i z dapamohaj štučnaha intelektu i statystyčnaha analizu jany vyvučyli bolš za 4 młn paviedamleńniaŭ, zroblenych ukrainskimi karystalnikami sacsietki X.
Aŭtary daśledavańnia śćviardžajuć, što karystalniki pačali pierachodzić z rasiejskaj na ŭkrainskuju jašče da poŭnamaštabnaha ŭvarvańnia, adnak paśla pačatku vajny hetaja tendencyja rezka ŭzmacniłasia.
Navukoŭcy ličać, što takoje źmianieńnie pavodzin karystalnikaŭ stała palityčnaj reakcyjaj na toje, što adbyvajecca. Karystalniki imknulisia dystancyjavacca ad Rasii, tamu masava stali pierachodzić na ŭkrainskuju movu.
Zahinuŭ biełaruski dobraachvotnik Vasil «Dzir» Rapicki11
Kamientary