Pieravozčyki razumiejuć, što pajezdka stojačy — heta parušeńnie, ale kažuć, što admović pasažyru, jaki zajšoŭ u sałon, nie mohuć.
Pieravozčyki prosiać unieści źmieny ŭ zakanadaŭstva i dazvolić im pieravozić pasažyraŭ nie tolki na siadziačych miescach. Ciapier pieravozka stojačy zabaronienaja. Za heta pahražaje štraf. Taki zapyt maršrutčyki vykazali padčas respublikanskaj narady pradstaŭnikoŭ ułady i pieravozčykaŭ 19 studzienia. Ułady paabiacali ich prapanovu razhledzieć, piša Office Life.
Ciapier pieravozka stojačy ŭ maršrutkach padpadaje pad administracyjnuju adkaznaść. Kiroŭcu pahražaje štraf da čatyroch bazavych vieličyń (160 rubloŭ).
Pieravozčyki razumiejuć, što pajezdka stojačy — heta parušeńnie, ale, kažuć, što admović pasažyru, jaki zajšoŭ u sałon, nie mohuć. Pry hetym, kali ich štrafujuć praviarajučyja, pasažyraŭ, jakija stajać, z maršrutki nie vysadžvajuć.
Na dumku maršrutčykaŭ, pieravozku stojačy adnaznačna treba dazvolić dla pryharadnych pajezdak. Nakont haradskoha transpartu bolšaść pieravozčykaŭ-udzielnikaŭ narady vykazałasia taksama za bolš hnutkija padychody, a voś dla mižharodnich maršrutaŭ heta novaŭviadzieńnie, na ich dumku, pavinna być pad zabaronaj.
U 2023 hodzie Transpartnaja inśpiekcyja kanfiskavała ŭ pieravozčykaŭ 149 mikraaŭtobusaŭ i try aŭtobusy. Nazad viarnuli tolki 97 mikraaŭtobusaŭ i adzin aŭtobus. U vyniku 919 kantrolnych zakupak śpiecyjalisty vyjavili 1467 administracyjnych pravaparušeńniaŭ.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta4
Kamientary