Prezident Ukrainy Uładzimir Zialenski ŭ svaim viečarovym zvarocie adznačyŭ, što treba ŭstanavić usie fakty i pravieści rasśledavańnie pa padzieńni rasijskaha samalota Ił-76 24 studzienia. Pavodle jaho, Ukraina budzie nastojvać na mižnarodnym rasśledavańni.
Prezident Ukrainy Uładzimir Zialenski ŭ svaim viečarovym zvarocie adznačyŭ, što treba ŭstanavić usie fakty i pravieści rasśledavańnie pa padzieńni rasijskaha samalota Ił-76 24 studzienia. Pavodle jaho, Ukraina budzie nastojvać na mižnarodnym rasśledavańni.
«Treba ŭstanavić usie dakładnyja fakty. Nastolki, nakolki heta mahčyma, uličvajučy, što padzieńnie samalota adbyłosia na rasijskaj terytoryi — pa-za našym kantrolem. «Fakty» — heta hałoŭnaje słova ciapier. Zasłuchaŭ Hłaŭkama i Hienštab pa vykarystańni Pavietranych sił. HUR zajmajecca vyśviatleńniem losu ŭsich pałonnych. Słužba biaśpieki rasśleduje ŭsie akaličnaści.
I ja daŭ daručeńnie ministru zamiežnych spraŭ Ukrainy prainfarmavać partnioraŭ ab najaŭnych dadzienych va Ukrainie. Naša dziaržava budzie nastojvać na mižnarodnym rasśledavańni», — skazaŭ jon.
Zialenski zaznačyŭ, što «rasijanie hulajuć z žyćciami ŭkrainskich pałonnych, z pačućciami rodnych i z emocyjami našaha hramadstva».
Dniom 24 studzienia ŭ Biełharodskaj vobłaści RF upaŭ vajenny samalot Ił-76. U Minabarony RF zajavili, što jon lacieŭ z padmaskoŭnaha aeradroma ŭ Biełharad, a na borcie znachodzilisia 65 pałonnych vajskoŭcaŭ USU, troje siłavikoŭ dla supravadžeńnia i 6 členaŭ ekipažu. Usie jany zahinuli.
Maskva abvinavačvaje va ŭdary pa samalocie Uzbrojenyja siły Ukrainy.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta4
Kamientary