«Tak, ja ŭciok. Inakš — turma, 15 hadoŭ». Baškirski śpiavak Ałtynaj Valitaŭ źjechaŭ z Rasii
Jon raniej vystupiŭ u padtrymku asudžanaha Faila Ałsynava.
Baškirski śpiavak Ałtynaj Valitaŭ źjechaŭ z Rasii z-za pahroz kryminalnaha pieraśledu. Jon raniej vystupiŭ u padtrymku asudžanaha na čatyry hady aktyvista Faila Ałsynava i zaklikaŭ nacmienšaści vychodzić na pratesty, piša «Nastojaŝieje vriemia».
«Suprać mianie idzie masavaje ckavańnie, jak tolki nie pierajnačvajuć maje słovy. Kali łaska, nie paddavajciesia. Tak, ja ŭciok. Inakš — turma, 15 hadoŭ. Tak mnie skazali. Sud ničoha nie vyrašaje, advakaty nie zmohuć ničoha damahčysia. Usio, što skazaŭ, ja skazaŭ. Ciapier nie viarnuć. Tak, majo pryhožaje žyćcio pieraviarnułasia ŭvierch dnom. Ale takija słovy ŭ taki ciažki čas chtości ž pavinien byŭ skazać», — napisaŭ Valitaŭ na baškirskaj movie.
Ekaaktyvista Faila Ałsynava 17 studzienia pryhavaryli da čatyroch hadoŭ kałonii pa spravie ab «raspalvańni varožaści». Ałtynaj Valitaŭ paśla abviaščeńnia prysudu i pratestaŭ u Baškartastanie apublikavaŭ videa, u jakim kazaŭ, što Ałsynaŭ «zmahaŭsia za baškirskuju movu i baškirskija ziemli», a baškiry «ŭstali na abaronu svajho hieroja».
Da baškirskaha śpievaka, jaki zaklikaŭ žycharoŭ nacyjanalnych respublik Rasii vyjści na pratesty, pryjšli siłaviki
VIDEA: što za pieśniu śpiavali baškiry na płoščy siońnia?
U čym sapraŭdnaja pryčyna maštabnaha pratestu ŭ Baškartastanie
«Prapahanda havoryć: «My — ruskija». A my nie ruskija». Baškirskija aktyvisty zaklikali da pratestaŭ i ŭ inšych nacyjanalnych respublikach
Baškirskaha aktyvista prysudzili da čatyroch hadoŭ kałonii. Jaho znoŭ pryjšli padtrymać tysiačy čałaviek, ich razahnali
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta4
Kamientary