Padziakavaŭšy prysiažnym, sudździa Łuis Kapłan daŭ im takuju paradu: «Nikoli nie raskryvajcie, što vy byli siabrami hetaj kalehii prysiažnych. Bolš ničoha ja pra heta kazać nie budu».
Prysiažnyja ŭ Ńju-Jorku razhledzieli pazoŭ ab paklopie piśmieńnicy Džyn Kerał da eks-prezidenta ZŠA Donalda Trampa i prysudzili jamu vypłacić joj 83,3 miljona dalaraŭ, piša Bi-bi-si.
Hetaja suma składajecca z kampiensacyi reputacyjnaj škody (11 młn dalaraŭ), emacyjnaj škody (7,3 młn dalaraŭ) i štrafu 65 młn dalaraŭ, jakija advakaty Kerał prasili pryznačyć, kab prymusić palityka spynić jaho napadki na pazoŭnicu.
Tramp byŭ raniej pryznany vinavatym u zamachu na Kerał u 1990-ja. Novy pazoŭ ab dyfamacyi byŭ padadzieny z-za zroblenych im u 2019 hodzie zajavaŭ, jakija abvinavačvali jaje ŭ chłuśni.
Prysiažnyja, čyje imiony dziela ich biaśpieki nie raskryvajucca, railisia try hadziny i vynieśli svajo rašeńnie adnahałosna
Padziakavaŭšy prysiažnym, sudździa Łuis Kapłan daŭ im takuju paradu: «Nikoli nie raskryvajcie, što vy byli siabrami hetaj kalehii prysiažnych. Bolš ničoha ja pra heta kazać nie budu».
Tramp, sa svajho boku, adreahavaŭ na rašeńnie suda praź niekalki chvilin na svaim sajcie Truth Social. Jon nazvaŭ jaho śmiešnym i abiacaŭ padać apielacyju na «ŭsio hetaje nakiravanaje Bajdenam palavańnie na viedźmaŭ, nakiravanaje na mianie i Respublikanskuju partyju».
Prysiažnyja adbiralisia pry aktyŭnym udziele advakataŭ Trampa, sudździa nie padparadkoŭvajecca prezidentu, a Džyn Kerał padała pazoŭ u svaich pryvatnych intaresach.
Tramp, adnak, dadaŭ, što «sudovaja sistema vyjšła z-pad kantrolu» i vykarystoŭvajecca jak «palityčnaja zbroja».
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta4
Kamientary
Advakaty Donalda adbirajuć kallehiju prysiažnych Navat u filmach halivudzkich hieta pabačiš Vasia