Hałoŭnaj redaktarkaj «Hrodzienskaj praŭdy» stała ideołah abłvykankama
Z 23 studzienia hałoŭnuju abłasnuju hazietu rehijona ŭznačalvaje Taćciana Siarhiejeva.
Raniej jana zajmała pasadu kiraŭnicy adździeła pa suviaziach sa ŚMI hałoŭnaha ŭpraŭleńnia ideałahičnaj raboty i pa spravach moładzi Hrodzienskaha abłvykankama, piša BAŽ.
Novuju hałoŭnuju redaktarku pradstavili kalektyvu namieśnik staršyni Hrodzienskaha abłvykankama Viktar Praniuk i načalnik hałoŭnaha ŭpraŭleńnia ideałahičnaj raboty i pa spravach moładzi Hrodzienskaha abłvykankama Ihar Bułaŭka. Kandydaturu Taćciany Siarhiejevaj uchvaliŭ hłava Hrodzienskaj vobłaści Uładzimir Karanik.
Kiraŭnictva abłvykankama naceliła Taćcianu Siarhiejevu na ŭstojlivaje raźvićcio vydańnia, dalejšaje pavyšeńnie jaho imidžu i naładžvańnie jašče bolš ščylnaj suviazi z čytačami.
Hałoŭny ideołah vobłaści Ihar Bułaŭka padkreśliŭ, što hazieta «Hrodzienskaja praŭda» — vielmi surjozny infarmacyjny resurs i instrumient ideałahičnaj raboty.
— My bačym, u jaki niaprosty čas my žyviem, ciapier aktyŭna viadziecca infarmacyjnaja vajna. I takomu surjoznamu infarmacyjnamu vydańniu, jak «Hrodzienskaja praŭda», patrebnaja mocnaja kiraŭnica. Taćciana Uładzimiraŭna — absalutnaja patryjotka svajoj krainy, jakaja nikoli nie zdradzić i paviadzie za saboj kamandu, — skazaŭ Ihar Bułaŭka.
Taćciana Siarhiejeva skončyła Vaŭkavyski dziaržaŭny piedahahičny kaledž. U 2010 hodzie skončyła Hrodzienski dziaržaŭny ŭniviersitet imia Janki Kupały pa śpiecyjalnaści «Historyka-archivaznaŭstva». U 2023 hodzie pastupiła ŭ Akademiju kiravańnia pa śpiecyjalnaści «Dziaržaŭnaje kiravańnie i ideałohija».
Z červienia 2020 hoda i da ciapierašniaha času pracavała na pasadzie načalnika adździeła pa ŭzajemadziejańni sa ŚMI, spravach relihij i nacyjanalnaściaŭ hałoŭnaha ŭpraŭleńnia ideałahičnaj raboty i pa spravach moładzi Hrodzienskaha abłvykankama.
Redakcyja dziaržaŭnaha vydańnia «Hrodzienskaja praŭda» abjadnoŭvaje ŭ sabie hazietu «Hrodzienskaja praŭda», sajt grodnonews.by, hazietu «Rekłamka. Rekłamny dadatak da haziety «Hrodzienskaja praŭda», a taksama rajonnyja haziety «Śvisłackaja hazieta» (Śvisłacki rajon) i «Bierastavickaja hazieta» (Bierastavicki rajon).
Da krasavika 2023 hoda na praciahu 6 hadoŭ hazietu ŭznačalvała žurnalistka Lilija Navickaja. Paśla sychodu Navickaj hałoŭnymi redaktarkami pa čarzie byli dźvie jaje namieśnicy — Alesia Rabak i Hanna Radziuk.
«U nas nie hnutkaja, umoŭna zakonnaja sistema prazachodnich talerastaŭ!» Homielski čynoŭnik prakamientavaŭ marš rasijskich fanataŭ
My jeŭrapiejcy ci jeŭrazijcy? Marzaluk uzbałamuciŭ łukašysckija telehram-kanały
Sirata, «pravilna» havoryć, addany Łukašenku. Čym admietny mahiloŭski ideołah, jaki stanie samym maładym deputatam Pałaty pradstaŭnikoŭ
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta4
Kamientary