Kamunisty dalej pašyrajuć svaje fejki pra Kurapaty. Pišuć ich prosta na kamianiach FOTA
Idejnyja prychilniki čekistaŭ śćviardžajuć, što byccam by ŭ Kurapatach nie NKVD rasstrelvała palityčnych viaźniaŭ, a niemcy zabivali habrejaŭ z Zachodniaj Jeŭropy.
Na fota z Kurapataŭ bačna, jakija nadpisy parabili «nieviadomyja asoby» na kamiani na Hałhofie — pahorku ŭ centry ŭročyšča.
Kamień, na jakim była vyjava Chrysta, Baharodzicy i apostała Andreja, vysiečany nadpis «Achviaram stalinizmu» i napisanaja biełaj farbaj cytata z knihi praroka Isai «Choć by hrachi vašy byli jak purpur — jak śnieh pabialejuć» (Isajia, 1, 18), pieršy raz apahanili ŭ listapadzie 2020 hoda. Tady vandały byli napisaŭšy na hetym kamieni čyrvonaj farbaj «Vierniom praktiki NKVD».
Ciapier ža kamunistyčnyja vandały pryjšli ź biełaj farbaj i akuratnymi litarami. Na miescy, dzie byŭ nadpis pa-biełarusku «Achviaram stalinizmu», źjavilisia nadpisy farbaj pa-rusku: «Vsiem ubijennym na Biełoj Rusi v XX v.» i «Opieracija Kurpatien judien (curpaten juden — «otiečieskaja zabota o jevriejach»).
«Apieracyja «Kurpaten juden» — heta fejk, jaki ŭžo niekalki hod raspaŭsiudžvajuć prałukašenkaŭskija kamunisty na čale z adstaŭnym pałkoŭnikam Alaksandram Płavinskim.
Idejnyja prychilniki čekistaŭ śćviardžajuć, što byccam by ŭ Kurapatach nie NKVD rasstrelvała palityčnych viaźniaŭ — a što niemcy zabivali habrejaŭ z Zachodniaj Jeŭropy. Raniej ich prapahanda była marhinalnaja, a ciapier słova im dajuć roznyja dziaržaŭnyja placoŭki.
Cikava, što kamunisty, jakija nie pryznajuć Boha, skarystalisia dla svajoj prapahandy i Śviatym Pisańniem. Jany cynična dapisali na kamieni cytatu ź Jevanhiella pavodle Łuki (8, 17) «Niama ničoha schavanaha, što b ni stała jaŭnym, i ničoha tajemnaha, pra što b nie stała viadoma i što b nie vyjaviłasia».
Vidać, chacieli skazać, što ich vydumka pra rasstralanych u Kurapatach habrejaŭ i jość toj samaj «tajnaj».
Taksama ŭ Kurapatach usio bolš pavalenych kryžoŭ. Takoje ŭražańnie, što chtości admysłova «dapamahaje» im pavalicca. Navat na Hałhofie — u centralnaj častcy ŭročyšča — lažyć na ziamli adzin z najbolšych kryžoŭ, pastaŭleny ŭ pamiać achviaraŭ z Brasłaŭščyny.
Padymać kryžy nichto nie navažvajecca.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary