Kampanija Maska ŭpieršyniu ŭžyviła mikračyp u mozh čałavieku
Pra heta miljarder aficyjna paviedamiŭ u tvitary i raskazaŭ, na što budzie zdolny ŭładalnik čypa. A što pa cenach?
Jak napisaŭ Iłan Mask, pieršaja apieracyja pa ŭstanoŭcy čypa vytvorčaści kampanii Neuralink u mozh čałavieka prajšła paśpiachova i pakazvaje šmatabiacajučyja vyniki, a sam pacyjent adčuvaje siabie dobra.
Užyŭleny čyp atrymaŭ kamiercyjnuju nazvu «Telepatyja».
«Čyp dazvalaje kiravać vašym telefonam, kampjutaram i amal luboj pryładaj pry dapamozie tolki siły dumki.
Pieršymi karystalnikami stanuć tyja, chto straciŭ zdolnaść ruchać kancavinami», — padkreśliŭ Iłan Mask.
U samoj kampanii Neuralink nie raz zajaŭlali, što z dapamohaj novych čypaŭ stanie mahčymym lačeńnie takich zachvorvańniaŭ, jak paralič i ślepata. Taksama pryłady zaklikany dapamahać ludziam z abmiežavanymi mahčymaściami bolš šyroka vykarystoŭvać kampjutary i inšyja novyja technałohii.
Adna z funkcyj čypaŭ Neuralink — interpretacyja hienieravanych mozham sihnałaŭ i pieradača infarmacyi na pryłady praz Bluetooth.
Jak pisała jašče letaś ahienctva Bloomberg sa spasyłkaj na ŭnutranyja dakumienty kampanii Neuralink, adna apieracyja pa impłantacyi pryłady budzie aceńvacca ŭ 10,5 tysiačy dalaraŭ z čałavieka, što ŭklučaje ŭ siabie abśledavańnie, ustaloŭku i košt samaho čypa.
Usiaho płanujecca pravieści 22 820 chirurhičnych apieracyj da 2030 hoda, što pavinna prynieści kampanii da 100 miljonaŭ dalaraŭ prybytku.
- Pavodle biznes-płanu Neuralink, u 2024 hodzie kampanija płanuje ździejśnić 11 impłantacyj.
- U 2025 hodzie kolkaść apieracyj budzie pavialičana da 27, a ŭ 2026-m — da 79.
- Zatym kolkaść patencyjnych klijentaŭ pavinna vyraści da 499 u 2027 hodzie, što paciahnie za saboj 22 204 apieracyi z 2028 pa 2030 hod.
«Apieracyjami, akramia prafiesijnych chirurhaŭ, budzie zajmacca i asobny chirurhičny robat, jaki budzie adkazvać za paźbiahańnie kryvacioku ŭ pacyjentaŭ. Čakajecca, što ŭvieś praces zojmie niekalki hadzin, uklučajučy 25 chvilin na impłantacyju samoha čypa ŭ mozh čałavieka», — paviedamlała Bloomberg.
Ahienctva taksama adznačała, što paśla apieracyi da hałavy pacyjenta buduć prymacoŭvać maleńki pult-kampjutar pamieram z kubik lodu, kab čałaviek moh karystacca i kiravać čypam u mozhu. Akamulatara Neuralink budzie chapać na niekalki hadzin z mahčymaściu biespravadnoj padzaradki pry dapamozie śpiecyjalnaj firmiennaj kiepki.
Nahadajem, što raniej technałohija Neuralink prajšła paśpiachovaje testavańnie na małpach.
Na dumku Iłana Maska, novaja raspracoŭka asabliva važnaja na fonie zaściarohaŭ, što štučny intelekt moža adnojčy zamianić ludziej u roznych halinach žyćcia. Čyp moža stać sapraŭdnym i mocnym kampjutaram u hałavie čałavieka.
«Handal ludźmi? Palitźniavolenyja sami prosiać, kab niechta ich užo kupiŭ». Manałoh Jaŭhienii Doŭhaj29
Kamientary