Hrodzienskaja radzilnia padviała vyniki 2023 hoda: za šeść hadoŭ narodžanych stała mienš amal na 20%. Hrodna.life pahladzieŭ statystyku abłasnoj radzilni za apošnija šeść hadoŭ.
U 2023 hodzie ŭ Hrodzienskim abłasnym kliničnym pierynatalnym centry naradzilisia 2875 dziaciej. Heta na dvaich mienš, čym u 2022 hodzie. I na 683 mienš, čym u 2018.
U 2023 hodzie samaj maładoj maci ŭ hrodzienskim raddomie była 14— hadovaja dziaŭčyna, jakaja naradziła chłopčyka vahoj 3,35 kh. Najstarejšaja maci — 45-hadovaja žančyna, jakaja naradziła ŭžo siomaje dzicia. Ahułam u radzilni pryniali 42,4% ad usich rodaŭ u Hrodzienskaj vobłaści.
Kolki dziaciej naradziłasia ŭ hrodzienskaj radzilni ŭ papiaredni hady
Šeść hadoŭ zapar kolkaść dziaciej, jakija źjaŭlajucca na śviet u Hrodzienskim pierynatalnym centry, źmianšajecca. Vyklučeńnie — 2021 hod, kali byŭ zafiksavany nievialiki rost. Ahułam ža ŭ 2023 hodzie tut naradziłasia na 19% mienš dziaciej, čym u 2018.
Kolkaść dziaciej, što naradziłasia ŭ hrodzienskim raddomie ŭ 2018−2023 hh.:
2018 — 3558
2019 — 3399
2020 — 3315
2021 — 3371
2022 — 2879
2023 — 2875
Heta nie poŭnyja ličby pa naradžeńniach u Hrodnie. Rody prymajuć taksama ŭ akušerskim adździaleńni Balnicy chutkaj miedycynskaj dapamohi.
Vypadkaŭ śmierci maci nie fiksavali 23 hady
U pieryjad z 2000 pa 2023 hoda ŭ hrodzienskaj radzilni nie było vypadkaŭ śmierci maci ŭ časie rodaŭ. Letaś vypadkaŭ śmierci narodžanych taksama nie zafiksavali.
Pierynatalnaja śmiarotnaść (pakaźnik usich vypadkaŭ śmierci płoda albo navarodžanaha ŭ pieryjad ad 24 tydnia da 7 sutak — Hrodna.life) u raddomie ŭ 2023 hodzie skłała 1,7 pramile (vypadkaŭ na 1000). U 2019 hodzie hety pakaźnik pa ŭsioj Biełarusi byŭ 3,5. U toj ža čas hety pakaźnik u Polščy byŭ na ŭzroŭni — 5,3, u Litvie — 5,4, a ŭ Rasii — 7,1.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta2
Kamientary