Kiraŭnictva CHAMAS svabodna i nie chavajučysia žyvie ŭ Bejrucie, Dosie i Stambule, varočaje miljonnymi majontkami, ciešycca z žyćcia, pierasoŭvajecca pa śviecie, sustrakajecca z suśvietnymi liderami, razdaje interviju. Chvalonyja izrailskija specsłužby navat nie sprabujuć ich dastać, choć ichnyja adrasy dobra viadomyja i ŭsie srodki dla hetaha majucca. Kali było patrebna, rabili i nie takoje. Da vajny asabovy skład "Bryhad al-Kasama" (zbrojnaha kryła CHAMASu) naličvaŭ ad 2500 da 5000 vajaroŭ. Dniami IDF rapartavała pra źniščeńnie 9000 bajavikoŭ, a vajnie niama kanca. U chodzie vajskovaj aperacyi byŭ vyzvaleny zbrojnym šlacham 1 (adzin) zakładnik, a zahinuła sama mieniej 16, ź jakich minimum 3 byli naŭmysna zabityja žaŭnierami IDF (pra abstaviny śmierci inšych nie paviedamlajecca).

A viedajecie čamu? Tamu, što CHAMAS byŭ stvorany ŭ 80ch hadoch (pieršapačatkova, jak miascovaja kamorka mižnarodnaha ruchu "Braty-musulmanie", bo svaich radykalnych iślamistaŭ u Palestynie tady nie było) pry padtrymcy izrailskaj kontarvyviedki "Šyn Bet", jak supraćvaha śvieckim palestynskim vyzvalenčym rucham, takim jak "Fatch" dy AVP. Padtrymlivaŭsia i finansavaŭsia Izrailem albo pad kantrolem Izrailu. Pra heta dniami ŭhołas raspaviadaŭ viarchoŭny kamisar EZ Žazep Barel. Hučyć jak sensacyja, ale hetaja "sensacyja" daŭno i dobra viadomaja ŭsim, chto minimalna cikavicca Blizkim Uschodam. Navošta heta Izrailu? Vielmi prosta: pakul suśvietnaja hramadzkaja dumka budzie asacyjavać palestynski nacyjanalna-vyzvolny ruch z CHAMAS, nikoli nia budzie pryznańnia niezaležnaści Palestyny. Chto ž budzie vykazvacca na karyść radykalnych iślamistaŭ i terarystaŭ?! Vašaja reakcyja krasamoŭna śviedčyć, što raźlik słušny.

Metaj ultrapravaha izrailskaha ŭradu (na klučovych pasadach izrailskija fašysty-kachanisty Itamar Ben-Hŭir -- raniej jon byŭ asudžany za teraryzm izrailskim sudom -- i Becalel Smotryč) ŭ hetaj vajnie źjaŭlajecca nie "źniščeńnie CHAMASu", a kančatkovaje vyrašeńnie palestynskaha pytańnia, prynamsi ŭ pasie Hazy. Jany adkryta viaduć pieramovy z Ehiptam i DR Konha ab pierasieleńni 2 miljonaŭ pazbaŭlenych žytła, vady, ježy i lekaŭ nasielnikaŭ Hazy ŭ hetyja krainy. Heta padručnikavy prykład hienacydu, na karyść čaho dniami vykazaŭsia Mižnarodny Trybunał Spraviadlivaści (ICJ)  ŭ Haazie. Ale Izrailu daŭna plavać na mižnarodnaje prava. Jak kazała Hołda Meir, "paśla Halakostu nam možna ŭsio". Kali što, izrailskaje łobi ŭ Vašynhtonie, Londanie, Berlinie, naciśnie na patrebnyja huziki i zachodnija "elity" prykryjuć čarhovaje złačynstva sijanistaŭ. Nichto ž nia choča, kab na jaho prylapili cetlik "antysemita", jak lepiać na ŭsich krytykaŭ sijanisckaj palityki, u tym liku na mnostva etničnych habrejaŭ dy navat artadaksalnych rabinaŭ.

Žujcie žujku chasbary dalej. A kali niasmačna, raju pačytać ci pasłuchać takich izrailskich ekspertaŭ, jak Ilan Pappe, Avi Shlaim, Gideon Levi, Miko Peled, Arciom Kirpičonak. Kali vałodajecie polskaj, prydasca dr Wojciech Szewko - vybitny znaŭca Ŭschodu.